Swivuriso 22:1-29

  • Vito lerinene ra antswa ku ri ni rifuwo ro tala (1)

  • Ku letela n’wana swi ta n’wi pfuna vutomi byakwe hinkwabyo (6)

  • Lolo ri chava nghala leyi nga ehandle (13)

  • Ndzayo yi susa vuphukuphuku (15)

  • Mutirhi la nga ni vuswikoti u tirhela tihosi (29)

22  Ku fanele ku hlawuriwa vito lerinene* ematshan’weni ya rifuwo ro tala;+Ku xiximiwa* ku tlula silivhere ni nsuku.   Xifumi ni xisiwana va fana hi leswi: Hinkwavo ka vona va endliwe hi Yehovha.+   Lowo tlhariha u vona khombo kutani a tumbela,Kambe loyi a nga riki na ntokoto u ya emahlweni a famba kutani a langutana ni vuyelo bya swiendlo swakwe.*   Vuyelo bya ku titsongahata ni ku chava YehovhaI rifuwo, ku xiximiwa ni vutomi.+   Mitwa ni mintlhamu swi le ndleleni ya lowo homboloka,Kambe loyi a tekaka vutomi byakwe byi ri bya nkoka u fambela ekule na swona.+   Letela mufana* endleleni leyi a faneleke a famba ha yona;+Hambiloko a kurile a nge yi tshiki.+   Xifumi xi fuma xisiwana,Mulombi i hlonga ra mulombisi.+   Loyi a byalaka leswi nga lulamangiki u ta tshovela maxangu,+Ni nhonga ya ku hlundzuka kakwe yi ta fika emakumu ka yona.+   Munhu la nga ni malwandla* u ta katekisiwa,Hikuva u dya swakudya swa yena ni xisiwana.+ 10  Hlongola munhu loyi a hlekulaka,Kutani a ku nge he vi na ku holova;Tinyimpi* ni ku rhuketelana swi ta hela. 11  Loyi a rhandzaka mbilu yo tenga ni loyi mavulavulelo yakwe ma nga ni musaU ta va munghana wa hosi.+ 12  Matihlo ya Yehovha ma sirhelela vutivi,Kambe U herisa marito ya loyi a kanganyisaka.+ 13  Lolo ri ri: “Ku ni nghala ehandle! Ndzi ta dlayiwa exikarhi ka rivala ra muti!”+ 14  Nomu wa wansati wa nghwavava* i mugodi wo enta.+ Loyi Yehovha a nga n’wi amukeliki u ta wela eka wona. 15  Vuphukuphuku byi boheleriwe embilwini ya mufana,*+Kambe nhonga ya ndzayo yi ta byi susa byi ya ekule na yena.+ 16  Loyi a dyelelaka xisiwana leswaku a engetela rifuwo rakwe+Ni loyi a nyikaka xifumi tinyikoU ta va xisiwana. 17  Rhiya ndleve u yingisa marito ya lavo tlhariha,+Leswaku u amukela vutivi bya mina hi mbilu hinkwayo,+ 18  Hikuva swa tsakisa ku ma hlayisa embilwini ya wena,+Leswaku hinkwawo ka wona ma tshama ma ri emilon’wini ya wena.+ 19  Ndzi ku nyika vutivi namuntlha,Leswaku u tshemba Yehovha. 20  Xana a ndzi ku tsalelanga khale,Ndzi ku nyika xitsundzuxo ni vutivi, 21  Leswaku ndzi ku dyondzisa marito ya ntiyiso ni lama tshembekaka,Leswaku u ta tlhela ni xiviko xa ntiyiso eka loyi a ku rhumeke? 22  U nga kanganyisi xisiwana hileswi xi nga xisiwana,+Naswona u nga tshikileli munhu loyi a pfumalaka egedeni ya muti,+ 23  Hikuva Yehovha u ta tiyiseka leswaku va kombisiwa vululami loko ku tengiwa nandzu wa vona,+Naswona u ta dlaya lava va dyelelaka. 24  U nga vi munghana wa munhu wa ximbilwambilwanaKumbe u tolovelana ni munhu loyi a tshamelaka ku kariha, 25  Leswaku u nga tshuki u dyondza mikhuva yakweKutani u wela entlhan’wini.+ 26  U nga vi exikarhi ka lava qhavulanaka va endla ntwananoWo humesela van’wana xitiyisekiso xo va hakelela swikweleti.+ 27  Loko u nga ri na nchumu wo hakela ha wona,U ta tekeriwa sangu leri u etlelaka eka rona! 28  U nga xi susi xipingwana* lexi nga xa khale swineneLexi vekiweke hi vakokwa wa wena.+ 29  Xana u tshame u n’wi vona munhu la nga ni vuswikoti entirhweni wakwe? U ta yima emahlweni ka tihosi;+A nge yimi emahlweni ka vanhu ntsena.

Tinhlamuselo ta le hansi

Kumbe “ndhuma leyinene.” Hi Xiheveru, “vito.”
Hi Xiheveru, “tsakeriwa.”
Kumbe “xupuriwa.”
Kumbe “n’wana; muntshwa.”
Hi Xiheveru, “Loyi a nga ni tihlo lerinene.”
Kumbe “Milandzu.”
Kumbe “n’wana; muntshwa.”
Kumbe “xikhonkhwana.”