Swivuriso 17:1-28

  • U nga tlheriseli leswinene hi leswo biha (13)

  • Loko mholovo yi nga si sungula suka u famba (14)

  • Munghana wa ntiyiso u ni rirhandzu mikarhi hinkwayo (17)

  • “Mbilu leyi tsakeke i murhi lowunene” (22)

  • Munhu wo twisisa wa tikhoma leswaku a nga vulavuli (27)

17  Xa antswa xiphemu xa xinkwa lexi omeke laha ku nga ni ku rhula*+Ku ri ni yindlu leyi ku nga ni nkhuvo* kambe ku ri ni timholovo.+   Nandza wo tlhariha u ta fuma n’wana loyi a nyumisaka;U ta averiwa ndzhaka tanihi un’wana wa vamakwavo.   Mbita ya ku tengisa i ya silivhere ni xitiko xa ndzilo i xa nsuku,+Kambe Yehovha i mukambisisi wa timbilu.+   Munhu wo homboloka u yingisela mavulavulelo lama tlhavaka,Munhu loyi a kanganyisaka u yingisela ririmi leri hlevaka.+   Loyi a hlekaka xisiwana u rhukana Muendli wa xona,+Loyi a tsakaka loko un’wana a weriwa hi khombo u ta xupuriwa.+   Vatukulu i harhi eka vadyuhari,Vatatana* va tisa ku dzuneka eka vana va vona.   Mavulavulelo lamanene a ma xi faneli xiphukuphuku.+ Kasi ni mavunwa a ma n’wi faneli mufumi!+   Nyiko yi fana ni ribye ra nkoka* eka n’wini wa rona;+Kun’wana ni kun’wana laha a yaka kona yi endla a humelela.+   Loyi a rivalelaka* xihoxo u hlakulela rirhandzu,+Kambe loyi a tshamelaka ku vulavula hi xihoxo u hambanisa vanghana lavakulu.+ 10  Munhu loyi a nga ni ku twisisa u vuyeriwa swinene loko a tshinyiwa+Ku tlula ku ba xiphukuphuku ka dzana.+ 11  Munhu wo biha u lava ku xandzuka ntsena,Kambe u ta rhumeriwa murhumiwa wa tihanyi leswaku a ta n’wi xupula.+ 12  Swa antswa ku hlangana ni bere leyi tekeriweke vana va yonaKu ri ni ku hlangana ni xiphukuphuku evuphukuphukwini bya xona.+ 13  Loyi a va endlelaka swilo swo biha lava n’wi endleleke leswinene,Leswo biha a swi nge suki endlwini yakwe.+ 14  Ku sungula nyimpi swi fana ni ku pfulela mati;*Loko mholovo yi nga si sungula suka u famba.+ 15  Loyi a nga n’wi voniki nandzu lowo homboloka ni la gwevaka lowo lulama+Havambirhi ka vona va n’wi nyenyetsa Yehovha. 16  Swi pfuna yini ku va xiphukuphuku xi ri ni tindlela to kuma vutlhariKasi a xi swi naveli ku byi kuma?*+ 17  Munghana wa ntiyiso u kombisa rirhandzu mikarhi hinkwayo,+I makwenu wa ntiyiso loko u ri emaxangwini.+ 18  Munhu la nga tlharihangiki u qhavula mavoko kutani a pfumelaKu humesa xitiyisekiso emahlweni ka muakelani wa yena.+ 19  La rhandzaka ku holova u rhandza ku dyoha.+ La tlakusaka ndlela yakwe yo nghena ha yona u tivitanela ku wa.+ 20  La hombolokeke embilwini swilo a swi nge n’wi fambeli kahle,+Naswona la vulavulaka mavunwa u ta wela ekhombyeni. 21  Tata wa n’wana la nga xihunguki u ta va ni gome;Ni tata wa n’wana loyi a nga xiphunta a nga tsaki.+ 22  Mbilu leyi tsakeke i murhi lowunene,*+Kambe moya lowu tshovekeke wu heta munhu matimba.+ 23  Munhu wo homboloka u pfumela ku xaviwa exihundleniLeswaku ku nga vi na vululami.+ 24  Vutlhari byi le mahlweni ka munhu la twisisaka,Kambe matihlo ya xihunguki ma tsendzeleka ku ya fika emakumu ka misava.+ 25  N’wana la nga xiphukuphuku u vangela tata wakwe gomeNaswona u dyisa loyi a n’wi velekeke mbitsi.+ 26  A hi swinene ku xupula* la lulameke,Ku ba vanhu lava xiximekaka swi lwisana ni leswi lulameke. 27  Munhu la nga ni vutivi wa tikhoma leswaku a nga vulavuli,+Naswona munhu la nga ni ku twisisa u ta tshama a rhurile.*+ 28  Hambi ku ri xiphukuphuku lexi tshamaka xi miyerile xi ta tekiwa xi tlharihile,Ni la pfalaka milomu yakwe u ta tekiwa a ri ni ku twisisa.

Tinhlamuselo ta le hansi

Kumbe “miyeleke.”
Hi Xiheveru, “magandzelo.”
Kumbe “Vatswari.”
Kumbe “i ribye leri endlaka munhu a tsakeriwa.”
Hi Xiheveru, “funengetaka.”
Kumbe “swi fana ni ku pfulela damu.”
Kumbe “Kasi a xi tlharihanga.”
Kumbe “i yinene naswona ya horisa.”
Kumbe “ku rihisa.”
Hi Xiheveru, “ri ni moya wo rhula.”