Swivuriso 13:1-25

  • Lava lavaka xitsundzuxo va tlharihile (10)

  • Loko munhu a nga xi kumi lexi a xi languteleke, mbilu yakwe ya vava (12)

  • Muyimeri wo tshembekaka wa horisa (17)

  • Ku famba ni lavo tlhariha swa tlharihisa (20)

  • Ku tshinya swi kombisa rirhandzu (24)

13  AN’wana wo tlhariha u amukela ndzayo ya tata wakwe,+Kambe loyi a titlakusaka* a nga yingisi loko a tshinyiwa.*+   Munhu loyi mihandzu ya milomu yakwe yi nga yinene u dya leswinene,+Kambe lava kanganyisaka va navela madzolonga.   Loyi a nga vulavuriki ngopfu u sirhelela vutomi byakwe,+Kambe loyi a nga wu pfaliki nomu wakwe u ta lovisiwa.+   Munhu wo loloha u navela swilo swo karhi, kambe a nga na nchumu,+Kambe loyi a gingiritekaka u ta eneriseka swinene.*+   Lowo lulama u venga mavunwa,+Kambe swiendlo swa lavo homboloka swi khomisa tingana.   Ku lulama ku sirhelela ndlela ya loyi a nga riki na nandzu,+Kambe vuhomboloki byi lovisa mudyohi.   Ku ni loyi a tiendlaka onge u fuwile kasi a nga na nchumu;+Ku ni un’wana loyi a tiendlaka xisiwana kambe a fuwile.   Rifuwo hi rona leri ponisaka vutomi bya munhu loyi a fuweke,+Kambe swisiwana a swi chavisiwi.*+   Rivoni ra lavo lulama ri voninga ngopfu,*+Kambe rivoni ra lavo homboloka ri ta timiwa.+ 10  Ku tikukumuxa ku vanga nyimpi ntsena,+Kambe vutlhari i bya lava lavaka xitsundzuxo.*+ 11  Rifuwo leri kumiweke hi ku hatlisa ri ta hunguteka,+Kambe rifuwo ra loyi a ri hlengeletaka hakatsongotsongo* ri ta andza. 12  Loko munhu a nga xi kumi lexi a xi languteleke, mbilu yakwe ya vava,+Kambe loko leswi a swi navelaka swi endleka, swi fana ni murhi lowu nyikaka vutomi.+ 13  Loyi a xi langutelaka ehansi xitsundzuxo* u ta xupuriwa,+Kambe loyi a yingisaka xileriso u ta kuma hakelo.+ 14  Dyondzo* ya lowo tlhariha i xihlovo xa vutomi,+Yi pfuna munhu leswaku a nga weli emitlhan’wini ya rifu. 15  Loyi a nga ni ku twisisa wa tsakeriwa,Kambe ndlela ya lava kanganyisaka ya tika. 16  Munhu wo tlhariha u endla swilo hi vutivi,+Kambe xihunguki xi paluxa vuphukuphuku bya xona.+ 17  Murhumiwa wo homboloka u wela ekhombyeni,+Kambe muyimeri loyi a tshembekaka wa horisa.+ 18  Loyi a alaka ndzayo u tivangela vusiwana ni tingana,Kambe loyi a pfumelaka ku tshinyiwa* u ta vangamisiwa.+ 19  Wa tsaka munhu loko a kuma leswi a swi navelaka,+Kambe xihunguki xi venga ku tshika swilo swo biha.+ 20  Loyi a fambaka ni lavo tlhariha u ta tlhariha,+Kambe loyi a tirhisanaka ni swiphukuphuku swilo a swi nge n’wi fambeli kahle.+ 21  Khombo ri wela vadyohi,+Kambe lavo lulama va hakeriwa hi leswinene.+ 22  Munhu lonene u siyela vatukulu vakwe ndzhaka,Kambe rifuwo ra mudyohi ri ta hlengeletiwa leswaku ri va ra lowo lulama.+ 23  Nsimu leyi rimiweke ya xisiwana yi humesa swakudya swo tala,Kambe xi nga ha tekeriwa yona hikwalaho ka leswi ku nga riki na vululami. 24  Loyi a nga xupuriki n’wana wakwe, wa n’wi venga,*+Kambe loyi a n’wi rhandzaka u tikarhatela* ku n’wi tshinya.+ 25  Lowo lulama u dya a xurha,+Kambe khwiri ra lowo homboloka a ri na nchumu.+

Tinhlamuselo ta le hansi

Kumbe “muhlekuri.”
Kumbe “tsundzuxiwa.”
Hi Xiheveru, “u ta nonisiwa.”
Hi Xiheveru, “a swi twi ku tshinyiwa.”
Hi Xiheveru, “tsaka.”
Kumbe “lava kanelaka swin’we.”
Hi Xiheveru, “hlengeletaka hi voko.”
Kumbe “rito.”
Kumbe “Nawu.”
Kumbe “ndzayo.”
Hi Xiheveru, “Loyi a nga tirhisiki nkhavi u venga n’wana wakwe.”
Kumbexana “hatlisela.”