Swivuriso 10:1-32

  • N’wana wo tlhariha u tsakisa tata wakwe (1)

  • Loyi a gingiritekaka u ta fuwa (4)

  • Swihoxo a swi papalateki loko marito ma tele (19)

  • Nkateko wa Yehovha wa fuwisa (22)

  • Ku chava Yehovha ku engetela masiku yo hanya (27)

10  Swivuriso swa Solomoni.+ N’wana wo tlhariha u tsakisa tata wakwe,+Kambe n’wana wo hunguka i gome eka mana wakwe.   Rifuwo leri kumiweke hi ndlela yo homboloka a ri pfuni nchumu,Kambe ku lulama hi kona ku ponisaka munhu eku feni.+   Yehovha a nge endli leswaku lowo lulama a khomiwa hi ndlala,+Kambe u ta tsona lowo homboloka leswi a swi navelaka.   Lolo ri ta va xisiwana,+Kambe loyi a gingiritekaka u ta fuwa.+   N’wana loyi a nga ni ku twisisa u hlengeleta ntshovelo hi ximumu,Kambe n’wana loyi a nyumisaka wa etlela hi nkarhi wa ntshovelo.+   Mikateko yi le nhlokweni ya lowo lulama,+Kambe nomu wa lowo homboloka wu tumbeta madzolonga.   Lowo lulama u ta tsundzukiwa ni ku katekisiwa,+Kambe vito ra lowo homboloka ri ta bola.+   Loyi a nga ni mbilu yo tlhariha u ta amukela switsundzuxo,*+Kambe loyi a vulavulaka leswi humeke endleleni u ta kandziyeriwa.+   Loyi a fambaka hi ku tshembeka u ta famba a sirhelelekile,+Kambe loyi a nga tshembekiki u ta kumeka.+ 10  Loyi a tsopetaka tihlo exihundleni u vanga gome,+Ni loyi a vulavulaka leswi humeke endleleni u ta kandziyeriwa.+ 11  Nomu wa munhu wo lulama i xihlovo xa vutomi,+Kambe nomu wa lowo homboloka wu tumbeta madzolonga.+ 12  Rivengo ri pfuxa timholovo,Kambe rirhandzu ri funengeta swidyoho hinkwaswo.+ 13  Vutlhari byi kumeka enon’wini wa munhu la twisisaka,+Kambe nhonga yi ba nhlana wa munhu loyi a nga tlharihangiki.+ 14  Lavo tlhariha va teka vutivi byi ri bya nkoka,+Kambe nomu wa xiphukuphuku wu vanga khombo.+ 15  Xuma* xa munhu loyi a fuweke i muti wakwe lowu biyeriweke. Ku lovisiwa ka swisiwana i vusiwana bya swona.+ 16  Swiendlo swa munhu wo lulama swi yisa evuton’wini;Kambe ntshovelo wa munhu wo homboloka wu yisa exidyohweni.+ 17  Loyi a yingisaka ndzayo i ndlela ya vutomi,*Kambe loyi a bakanyaka ndzayo u hambukisa van’wana. 18  Loyi a tumbetaka rivengo rakwe u vulavula mavunwa,+Kasi loyi a hangalasaka mhaka* yo biha i xiphukuphuku. 19  Loko marito ma tele, swihoxo a swi nge papalateki,+Kambe loyi a lawulaka milomu yakwe u tlharihile.+ 20  Ririmi ra lowo lulama ri fana ni silivhere ya xiyimo xa le henhla,+Kambe mbilu ya lowo homboloka a yi pfuni nchumu. 21  Marito ya lowo lulama ma pfuna* vo tala,+Kambe xiphukuphuku xa fa hikwalaho ko pfumala vutlhari.+ 22  Nkateko wa Yehovha hi wona lowu fuwisaka munhu,+A nga engeteli switlhavi* eka wona. 23  Ku tikhoma loko biha ku fana ni ntlangu eka xihunguki,Kambe vutlhari i bya munhu loyi a twisisaka.+ 24  Lowo homboloka u ta weriwa hi leswi a swi chavaka;Kambe lowo lulama u ta nyikiwa leswi a swi navelaka.+ 25  Loko xidzedze xi hundza, lowo homboloka a nge he vi kona,+Kambe lowo lulama i masungulo hilaha ku nga heriki.+ 26  Munhu wo loloha u karhata muthori wakwe,Ku fana ni vhiniga* leyi zazamerisaka* matino ni musi lowu tlunyaka matihlo. 27  Ku chava Yehovha ku engetela masiku,+Kambe malembe ya lavo homboloka ma ta hungutiwa.+ 28  Ku langutela* ka lavo lulama ku tisa ntsako,+Kambe ntshembo wa lavo homboloka wu ta hela.+ 29  Ndlela ya Yehovha i khokholo eka loyi a nga riki na xisolo,+Kambe i khombo eka lava endlaka swilo swo biha.+ 30  A nga kona loyi a nga ta wisa lowo lulama,+Kambe lavo homboloka a va nge he tshami emisaveni.+ 31  Nomu wa lowo lulama wu tswala muhandzu wa vutlhari,Kambe ririmi leri vulavulaka leswi humeke endleleni ri ta tsemiwa. 32  Milomu ya lowo lulama yi tiva leswi tsakisaka,Kambe nomu wa lowo homboloka wu vulavula leswi humeke endleleni.

Tinhlamuselo ta le hansi

Hi Xiheveru, “swileriso.”
Kumbe “Nchumu wa nkoka.”
Kumbexana “u le ndleleni ya vutomi.”
Kumbe “mavarivari.”
Kumbe “kongomisa.”
Kumbe “gome; ku tikeriwa.”
Kumbe “ntsuvi.”
Kumbe “xaxamerisaka; dzadzamelisaka.”
Kumbe “Ntshembo wa.”