Esaya 9:1-21
9 Hambiswiritano, munyama a wu nge fani ni le nkarhini lowu tiko a ri ri emaxangwini, ku fana ni le mikarhini leyi hundzeke loko tiko ra Zebuloni ni tiko ra Neftali a ma nga xiximiwi.+ Kambe hi ku famba ka nkarhi U ta endla leswaku ri xiximiwa endleleni leyi yaka elwandle, exifundzheni xa Yordani, Galeliya wa matiko.
2 Vanhu lava a va famba emunyameniVa vone ku vonakala lokukulu.
Loko ku ri lava tshamaka etikweni leri nga ni xinyami lexikulu,Ku vonakala ku va voningerile.+
3 U endle leswaku tiko ri tala;U endle leswaku ri tsaka swinene.
Va tsaka emahlweni ka wena,Ku fana ni vanhu lava tsakeke hi nkarhi wa ntshovelo,Ku fana ni lava avaka swilo leswi phangiweke va tsakile.
4 Hikuva u tshovelele joko leri a ri va tika,Nhonga leyi a va biwa makatla ha yona, nkhavi wa loyi a a va sindzisa ku tirha,Ku fana ni le nkarhini wa Midiyani.+
5 Majombo* hinkwawo ya masocha lama ninginisaka misava loko ma fambaNi swiambalo hinkwaswo leswi nga ni ngatiSwi ta hisiwa.
6 Hikuva hi velekeriwe n’wana,+Hi nyikiwe n’wana wa jaha;U ta nyikiwa vuhosi.*+
U ta thyiwa Mutsundzuxi Lonene,+ Xikwembu xa Matimba,+ Tatana La Nga Riki Na Makumu, Hosana Ya Ku Rhula.
7 U ta fuma misava hinkwayo,Hi ku rhula hilaha ku nga heriki,+Exiluvelweni xa Davhida+ ni le mfun’weni wakwe,Leswaku wu tiya+ ni ku wu seketelaHi vululami+ ni hi ku tshembeka,+Ku sukela sweswi ni hilaha ku nga heriki.
Yehovha wa mavuthu u ta swi endla sweswo hikuva u tiyimiserile.
8 Yehovha u rhumele rito ku lemukisa YakoboNaswona ri hetisekile eka Israyele.+
9 Vanhu hinkwavo va ta ri tiva,Efrayimi ni vanhu va le Samariya,Lava hikwalaho ka ku titlakusa ni ku tikurisa va vulaka va ku:
10 “Switina swi wile,Kambe hi ta aka hi maribye lama vatliweke.+
Minkuwa yi tsemiwile,Kambe hi ta yi siva hi mikedari.”
11 Yehovha u ta endla leswaku valala va Resini va lwa na yenaU ta endla leswaku valala vakwe va n’wi pfukela,
12 Vasiriya lava humaka evuxeni ni Vafilista lava humaka evupeladyambu,*+Va ta pfula milomu va mita Israyele.+
Hikwalaho ka sweswo hinkwaswo, wa ha hlundzukile,Naswona wa ha tiyimisele ku va xupula.+
13 Hikuva vanhu a va tlhelelanga eka Loyi a va baka;A va kombelanga mpfuno eka Yehovha wa mavuthu.+
14 Yehovha u ta tsema nhloko ni ncila, xihlukeNi byanyi byo leha* eIsrayele hi siku rin’we.+
15 Nhloko i nkulukumba ni loyi a chavisekaka,Naswona muprofeta loyi a dyondzisaka mavunwa i ncila.+
16 Lava rhangelaka vanhu lava va va lahlekisa,Naswona lava rhangeriwaka va pfilunganyekile.
17 Hi yona mhaka Yehovha a nga ta ka a nga ma tsakeli majaha ya vona,A nge va kombi tintswalo vana va vona lava nga riki na tatana ni tinoni ta vonaHikuva hinkwavo ka vona i vagwinehi ni vanhu lava endlaka swo biha+
Naswona va vulavula swilo leswi nga riki swinene.
Hikwalaho ka sweswo hinkwaswo, wa ha hlundzukile,Naswona wa ha tiyimisele ku va xupula.+
18 Hikuva vuhomboloki byi vuvumela ku fana ni ndzilo,Byi hisa swihlahla swa mitwa ni nhova.
Byi ta hisa ni khwati ro tlhuma,Swi ta tshwa swi hela.
19 Loko Yehovha wa mavuthu a hlundzukileTiko ri hisiwile,Naswona vanhu va ta tshwa.
A nga kona loyi a nga ta tsetselela hambi ku ri makwavo.
20 Un’wana u ta tsema nyama exineneniKambe a nge xurhi;Kasi un’wana u ta dya eximatsini,Kambe a nge xurhi.
Un’wana ni un’wana u ta dya nyama ya voko rakwe,
21 Manase u ta dya Efrayimi,Efrayimi a dya Manase.
Havambirhi va ta lwa na Yuda.+
Hikwalaho ka sweswo hinkwaswo, wa ha hlundzukile,Naswona wa ha tiyimisele ku va xupula.+
Tinhlamuselo ta le hansi
^ Kumbe “Tibutsu.”
^ Kumbe “mfumo.” Hi Xiheveru, “Vuhosi byi ta va emakatleni yakwe.”
^ Hi Xiheveru, “hi le ndzhaku.”
^ Kumbexana “rhavi ra ncindzu ni rihlanga.”
