Esaya 59:1-21
59 Maswivo! Voko ra Yehovha a ri komanga lerova ri nga tsandzeka ku ponisa,+Ni ndleve yakwe a yi pfalekanga lerova yi nga tsandzeka ku twa.+
2 Swihoxo swa n’wina swi mi hambanise ni Xikwembu xa n’wina.+
Swidyoho swa n’wina swi endle leswaku xi mi tumbetela xikandza xa xona,Xa ala ku mi yingisa.+
3 Mavoko ya n’wina ma tale ngati+Ni tintiho ta n’wina ti tele swihoxo.
Milomu ya n’wina yi vulavula mavunwa+ ni ririmi ra n’wina ri hlevetela leswi nga lulamangiki.
4 A nga kona loyi a huwelelaka a lwela ku lulama,+A nga kona loyi a tshembekaka ehubyeni.
Va tshemba swilo leswi nga riki swa xiviri,+ va vulavula leswi nga pfuniki nchumu.
Va tika swiphiqo va veleka maxangu.+
5 Va tlhotlhorha matandza ya nyoka ya vuxungu,Va endla lapi hi vulwembu bya pume.+
Un’wana ni un’wana loyi a dyaka matandza ya vona u ta fa,Kutani tandza leri fayiweke ri tlhotlhorha mhiri.*
6 Lapi ra vona a ri nge rhungi xiambalo,Naswona a va nge tifunengeti hi leswi va swi endlaka.+
Mitirho ya vona yi ni khombo,Va endla madzolonga.+
7 Milenge ya vona yi tsutsumela ku endla leswo biha,Va hatlisela ku halata ngati leyi nga riki na nandzu.+
Leswi va swi ehleketaka swi ni khombo;Va endla swo biha ni ku twisa van’wana ku vava.+
8 A va yi tivi ndlela yo kondletela ku rhula,A ku na vululami etindleleni ta vona.+
Va endla tindlela ta vona ti homboloka;Loyi a fambaka eka tona a nge vi ni ku rhula.+
9 Hi yona mhaka vululami byi nga ekule na hina,Ni ku lulama a hi ku kumi.
Hi tshama hi rindzele ku vonakala kambe hi kuma munyama;Hi rindzela ku vangama kambe hi ya emahlweni hi famba eku dzwihaleni.+
10 Hi mbambela khumbi ku fana ni vanhu lava feke matihlo;Hi tshamela ku mbambela ku fana ni lava nga riki na matihlo.+
Ha khudlunyeka ninhlikanhi onge hiloko hi famba nivusiku;Exikarhi ka tinhenha hi fana ni vafi.
11 Hinkwerhu hi tshamela ku konya ku fana ni tibereHi tiputa vusiwana ku fana ni matuva.
Hi langutela vululami, kambe a byi kona;Ni ku ponisiwa, kambe ku le kule na hina.
12 Hikuva ku xandzuka ka hina ku tele emahlweni ka wena;+Swidyoho swa un’wana ni un’wana wa hina swi tiyisekisa mhaka leyi.+
Hikuva ku xandzuka ka hina ku le mahlweni ka hina;Hi swi tiva kahle swihoxo swa hina.+
13 Hi dyohile hi tlhela hi nga n’wi yingisi Yehovha;Hi fularhele Xikwembu xa hina.
Hi vulavule hi ku tshikilela ni ku xandzuka;+Hi kunguhata ni ku vulavula mavunwa ntsena.+
14 A ku avanyisiwi hi ndlela leyinene,+Ni ku lulama a ku kona;+Hikuva a ku na ntiyiso emutini,Naswona leswinene a swi endliwi.
15 Ntiyiso a wu kona,+Lava tshikaka ku endla swo biha va xanisiwa.
Yehovha u swi vonile naswona a swi n’wi tsakisanga,Hikuva a ku nga avanyisiwi hi ndlela leyinene.+
16 U xiye leswaku a ku na munhu,Naswona u hlamarile loko a vona leswaku a ku na mulamuleri,Kutani a va ponisa,U swi endle hikwalaho ka leswi a lulameke.
17 Kutani a ambala ku lulama ku fana ni xiambalo xa nyimpi lexi endliweke hi swinsimbana,Ni gondolo* ra ku ponisa enhlokweni yakwe.+
A ambala swiambalo swa ku tirihisela+
A tlhela a titsondzela hi ku hiseka onge hi loko a titsondzele hi nguvu.
18 U ta va hakela hi ku ya hi leswi va swi endleke:+
U ta karihela valala vakwe a tlhela a va xupula.+
Swihlala u ta swi nyika leswi faneleke.
19 Va ta chava vito ra Yehovha ku sukela evupeladyambu,Kasi evuxeni va ta n’wi dzunisa,Hikuva u ta ta ku fana ni nambu lowu khulukaka hi matimba,Lowu susumetiwaka hi moya wa Yehovha.
20 “Mukutsuri+ u ta ya eSiyoni,+Ni le ka lava nga wu tluliki nawu eka ndyangu wa Yakobo,”+ ku vula Yehovha.
21 “Ntwanano wa mina na vona hi lowu,”+ ku vula Yehovha. “Moya wa mina lowu nga eka n’wina ni marito ya mina lawa ndzi ma vekeke emilon’wini ya n’wina a swi nge susiwi emilon’wini ya n’wina ni le milon’wini ya vana va n’wina kumbe emilon’wini ya vatukulu va n’wina, ku sukela sweswi ni hilaha ku nga heriki,” ku vula Yehovha.
