Esaya 27:1-13
27 Hi siku rero, Yehovha u ta tirhisa banga rakwe leri karihaka ri tlhela ri chavisa,+Leswaku a dlaya Levhiyathani,* nyoka leyi kokovaka,Levhiyathani nyoka leyi tshombonyokakaU ta dlaya xivandzana lexikulu xa le lwandle.
2 Hi siku rero, mi ta n’wi* yimbelelela mi ku:
“Nsimu ya madiriva leyi humesaka vhinyo!*+
3 Mina Yehovha ndza n’wi hlayisa.+
Ndza n’wi cheleta nkarhi hinkwawo.+
Ndza n’wi sirhelela vusiku ni nhlikanhi,Leswaku ku nga vi ni loyi a n’wi vavisaka.+
4 A ndza ha n’wi hlundzukelanga.+
Loko un’wana o ndzi lwisa hi ku veka swihlahla swa mitwa ni nhova emahlweni ka mina,Ndzi ta swi kandziyela ndzi swi hisa.
5 Loko swi nga ri tano, a a te a ta tumbela eka mina.
A a endle ku rhula na mina;Ku rhula a a ku endle na mina.”
6 Enkarhini lowu taka Yakobo u ta kula a va ni matimba ku fana ni murhi,Israyele u ta fana ni murhi lowukulu lowu nga ni swiluva,+Naswona u ta humesa mihandzu yo tala emisaveni.+
7 Xana va fanele va biwa hi nkhavi lowu fanaka ni wa loyi a va baka?
Kumbexana u fanele a dlayiwa hilaha lava a va dlayeke va dlayiweke hakona?
8 U ta kanetana na yena hi huwa leyikulu loko u n’wi hlongola.
U ta n’wi hlongola a hlundzukile hi siku leri ku hungaka moya wa le vuxeni.+
9 Hi ndlela yoleyo Yakobo u ta va a rivaleriwe xidyoho,+Kutani loko a rivaleriwile:
U ta endla maribye hinkwawo ya altariMa fana ni maribye ya kalaka lama siriweke,Timhandzi ta Axera* ni swo tlhandleka murhi wo nun’hwela a swi nge he vi kona.+
10 Hikuva muti lowu biyeriweke wu ta sala wu nga ri na vanhu;Madyelo ma ta tshikiwa ma hundzuka mananga.+
Rhole ri ta dya kwalaho ri tlhela ri vundza konaRi ta dya marhavi ya muti lowu.+
11 Loko marhavi ya wona ma omile,Vavasati va ta fika va ma tshova,Va tshivela ndzilo hi wona.
Hikuva vanhu lava va ome tinhloko.+
Muvumbi wa vona a nge va tsetseleli hikwalaho ka sweswo,Loyi a va vumbeke a nge va tweli vusiwana.+
12 N’wina Vaisrayele,+ mi ta fana ni munhu loyi a hlakahlaka mihandzu kutani a yi hlengeleta, Yehovha u ta mi hlengeleta n’wina lava mi hangalakeke ni tindhawu leti hinkwato, ku sukela eNambyeni* lowukulu lowu khulukaka ku ya eNkoveni wa Egipta.+
13 Hi siku rero ku ta biwa nanga+ yi twala ni le kule, lava nga emaxangwini etikweni ra Asiriya+ ni lava hangalakeke etikweni ra Egipta,+ va ta ta, va ta khinsamela Yehovha entshaveni yo kwetsima eYerusalema.+
Tinhlamuselo ta le hansi
^ Vona Tinhlamuselo.
^ Swi nga ha endleka ku vulavuriwa hi Israyele, laha u yimeriwa hi wansati ni nsimu ya madiriva.
^ Kumbe “vhinyo leyi vilaka.”
^ Vona Tinhlamuselo.
^ Ku nga Yufrata.
