Esaya 26:1-21
26 Hi siku rero, etikweni ra Yuda+ ku ta yimbeleriwa risimu+ leri nge:
“Hi ni muti lowu tiyeke.+
U ta hi ponisa hi makhumbi ni miako ya wona yo tiya.+
2 Pfulani tigede,+ leswaku ku ta nghena tiko ro lulama,Tiko leri tikhomeke kahle.
3 U ta sirhelela lava tshembelaka eka wena hi mbilu hinkwayo;U ta va nyika ku rhula hi masiku,+Hikuva va tshembe wena.+
4 Tshembani Yehovha hilaha ku nga heriki,+Hikuva Yehovha,* Yehovha i Ribye ra hilaha ku nga heriki.+
5 Hikuva u va khomise tingana lava tshamaka ehenhla, emutini lowu tlakukeke.
Wa wu wisa,U wu lahlela emisaveni;Wu tala ritshuri.
6 Wu ta kandziyeriwa hi nenge,Milenge ya lava xanisekaka, mikondzo ya swisiwana.”
7 Ndlela ya lavo lulama yi lulamile.
U ta lulamisa ndlela ya lavo lulama,Hikuva u lulamile.
8 Hi tshembe wena Yehovha.
Hikuva tindlela ta wena ti lulamile.
Hi xixima vito ra wena naswona hi lava leswaku ri tshama ri ri karhi ri tsundzukiwa.
9 Ndzi ku tsundzukile nivusiku,Moya wa mina wu lava wena hi mbilu ya mina hinkwayo;+Hikuva loko u avanyisa misava,Vaakatiko va dyondza vululami.+
10 Hambiloko lowo homboloka o kombiwa tintswalo,A nge dyondzi ku endla swo lulama.+
U ta endla leswo biha ni le tikweni lerinene,+A nge byi voni vukulu bya Yehovha.+
11 Yehovha Xikwembu xanga, voko ra wena ri tlakukile, kambe a va ri voni.+
Va ta vona ndlela leyi u seketelaka vanhu va wena ha yona kutani va khomiwa hi tingana.
Ndzilo wa wena wu ta herisa valala va wena.
12 Yehovha, u ta hi nyika ku rhula,+Hikuva hinkwaswo leswi hi nga swi endlaHi endleriwe hi wena.
13 Yehovha Xikwembu xa hina, hi fumiwe hi vanhu van’wana handle ka wena,+Kambe hina hi ta dzunisa vito ra wena ntsena.+
14 Va file; a va nge he hanyi.
Va hluriwe hi rifu, a va nge he pfuki.+
Hikuva u va kongomileLeswaku u va lovisa va nga ha tlheli va tsundzukiwa.
15 Yehovha Xikwembu xanga, u kurise rixaka;U kurise rixaka;U tivangamisile.+
U ndlandlamuxe mindzilakana hinkwayo ya tiko.+
16 Yehovha, va ta eka wena loko va ri emaxangwini;Va khongele eka wena endzhaku ka loko u va tshinyile.+
17 Ku fana nileswi wansati la tikeke loyi a nga ekusuhi ni ku veleka,Loyi a nga ni switlhavi swa ku veleka, a rilaka hikwalaho ko twa ku vavaNa hina hi titwe tano hikwalaho ka wena, wena Yehovha.
18 A hi tikile, hi va ni switlhavi swa ku veleka,Kambe swi fana ni loko hi veleke moya.
A hi ri ponisanga tiko,A nga kona loyi a velekeke vana lava nga ta tshama etikweni.
19 “Vanhu va n’wina lava nga fa va ta tlhela va hanya.
Mitsumbu ya mina yi ta pfuka.+
Pfukani, mi ba nkulungwana,N’wina lava tshamaka entshurini!+
Hikuva mberha ya n’wina yi fana ni mberha ya nimixo,*Misava yi ta humesa lava feke kutani va ta hanya.
20 Fambani, n’wina vanhu va mina,nghenani emakamareni ya n’wina,Mi pfala tinyangwa ta n’wina.+
Tumbelani swa nkarhinyanaKukondza vukarhi bya Xikwembu byi hundza.+
21 Hikuva Yehovha wa ta a huma endhawini yakweKu ta avanyisa vanhu va tiko hikwalaho ka swidyoho swa vona,Tiko ri ta paluxa ngati leyi halatiwekeA ri nge va fihli lava dlayiweke eka rona.”
