Esaya 24:1-23
24 Yehovha u hlongole vanhu hinkwavo etikweni* kutani a ri endla rhumbi.+
U ri lovisile+ a hangalasa vaaki va rona.+
2 Swi ta va tano eka vanhu hinkwavo:
Vanhu ni vaprista,Nandza ni n’wini wakwe,Nandza wa xisati ni n’wini wakwe wa xisati,Muxavi ni muxavisi,Mulombisi ni mulombi,Machonisi ni la kolotaka.+
3 A ku nge sali munhu etikweni;Ri ta phangiwa hi ku helela,+Hikuva Yehovha u vurile.
4 Tiko ra rila;*+ ri hele matimba.
Tiko leri noneke ri vunile; ri hele matimba.
Lava fuweke etikweni va hele matimba.
5 Tiko ri onhiwe hi vaaki va rona,+Hikuva va tlule milawu,+Va cince swileriso,+Va tshova ni ntwanano lowu nga heriki.*+
6 Hi yona mhaka leyi tiko ri rhukaniweke,+Vaaki va rona va ni nandzu.
Hi swona swi nga endla leswaku vaaki va tiko va hunguteka,Ku sale vanhu vatsongo.+
7 Mirhi ya madiriva yi vunile, ku hava vhinyo leyintshwa,+Lava a va tsakile va ni gome.+
8 Xingomana a xa ha chayiwi;Huwa ya lava nga tsaka a ya ha twali;Mpfumawulo wa haripa a wa ha ri kona.+
9 Va nwa vhinyo ku nga ri na risimu,Lava nwaka byala va ri a byi nandzihi.
10 Muti lowu vanhu va fambeke va wu siya wu mbundzumuxiwile;+Tiyindlu hinkwato ti pfariwile leswaku ku nga ngheni munhu.
11 Va rilela vhinyo eswitarateni.
Ntsako wu herile;Ntsako lowu tiko a ri ri na wona wu herile.+
12 Muti wu sale wu ri rhumbi;Gede yi fayeteriwile yi va nhulu.+
13 Swi ta va tano etikweni, exikarhi ka vanhu:
Ku fana ni ku hlakahliwa ka murhi wa mutlhwari,+Ku fana ni ku khwaja loko ntshovelo wa madiriva wu herile.+
14 Va ta huwelela,Va ba mikulungwana.
Va ta twarisa ku vangama ka Yehovha va ri elwandle.*+
15 Va ta dzunisa Yehovha va ri evuxeni;*+Va ta vangamisa vito ra Yehovha Xikwembu xa Israyele va ri eswihlaleni swa le lwandle.+
16 Hi twe tinsimu evugimamusi:
“A ku dzunisiwe Loyi a Lulameke!”+
Kambe ndzi ri: “Ndzi karhele, a ndza ha ri na matimba!
Khombo eka mina! Vakanganyisi va ya emahlweni va kanganyisa;Vukanganyisi byi ya emahlweni byi nyanya.”+
17 N’wina vaaki va tiko mi ta weriwa hi khombo, mi rindziwe hi makhele ni mintlhamu.+
18 Loyi a balekaka mpfumawulo wa khombo u ta wela ekheleni,Loyi a humaka ekheleni u ta phasiwa hi ntlhamu.+
Hikuva tinyangwa ta ndhambi leti nga ematilweni ti ta pfuriwa,Misava yi ta ninginika.
19 Tiko ri pandzekile;Tiko ri avane hi le xikarhi;Tiko ri ninginika hi matimba.+
20 Tiko ra dedeleka ku fana ni xidakwa,Ri tsekatseka ku fana ni yindlu leyi biwaka hi moya.
Ri tikiwa hi swidyoho swa rona,+Ri ta wa naswona a ri nge he pfuki.
21 Hi siku rero Yehovha u ta xupula vuthu ra le matilweniNi tihosi leti nga emisaveni.
22 Va ta hlengeletiwaKu fana ni vabohiwa loko va nghenisiwa emugodini,Va ta pfaleriwa ekhotsweni ra munyama;Va ta avanyisiwa endzhaku ka masiku yo tala.
23 N’weti wu ta vonaka wu dzwiharile,Naswona dyambu ri ta khomiwa hi tingana,+Hikuva Yehovha wa mavuthu i Hosi+ eNtshaveni ya Siyoni+ ni le Yerusalema,U ta tivangamisa emahlweni ka vakulukumba va tiko.+
