Esaya 12:1-6
12 Esikwini rero u ta ku:
“Ndza ku khensa Yehovha,Hikuva hambileswi a wu ndzi hlundzukerile,Ku hlundzuka ka wena ku vohlile hakatsongotsongo, kutani u ndzi chavelela.+
2 Xikwembu i muponisi wa mina.+
Ndzi ta xi tshemba naswona a ndzi nge chavi nchumu;+Hikuva Yehovha,* Yehovha i matimba ni ntamu wa mina,Naswona i muponisi wa mina.”+
3 Mi ta ka mati mi tsakileEswihlobyeni swa ku ponisa.+
4 Kutani esikwini rero mi ta ku:
“Khensani Yehovha mi dzunisa vito rakwe,Byelani vanhu mitirho yakwe!+
Va byeleni leswaku vito rakwe ra xiximeka.+
5 Yimbelelelani Yehovha+ mi n’wi dzunisa, hikuva u endle swilo swo hlamarisa.+
A swi tivisiwe emisaveni hinkwayo.
6 Banani mikulungwana, n’wina vaaki va le Siyoni,Hikuva Mukwetsimi wa Israyele loyi a nga exikarhi ka n’wina i nkulu.”
Tinhlamuselo ta le hansi
^ Kumbe “Yah.” “Yah” i nkomiso wa vito leri nge Yehovha.
