Tikronika To Sungula 28:1-21

  • Davhida a hlamusela ndlela leyi tempele yi nga ta akiwa ha yona (1-8)

  • Ku leteriwa ka Solomoni; a tlhela a nyikiwa pulani (9-21)

28  Hiloko Davhida a hlengeleta tindhuna hinkwato ta Israyele eYerusalema: tihosana ta tinyimba, tindhuna ta mitlawa+ leyi tirhelaka hosi, tindhuna ta vanhu va magidi ni tindhuna ta vanhu va madzana,+ tindhuna leti khathalelaka nhundzu hinkwayo ni swifuwo swa hosi+ ni swa vana va yona,+ vatirhi va le hubyeni ni vavanuna hinkwavo lava nga tinhenha.+  Kutani Hosi Davhida a suka a yima a ku: “Ndzi yingiseni vamakwerhu na n’wina vanhu va mina. A ndzi swi lava hi mbilu hinkwayo ku aka yindlu leyi areka ya ntwanano wa Yehovha a yi ta tshama eka yona, leyi a yi ta tlhela yi va ndhawu leyi Xikwembu xa hina a xi ta tlhandleka milenge eka yona+ naswona ndzi endle malunghiselelo ya leswaku yi akiwa.+  Kambe Xikwembu xa ntiyiso xi ndzi byele xi ku, ‘A wu nge yi aki yindlu leyi nga ta vangamisa vito ra mina,+ hikuva u lwe ngopfu tinyimpi naswona u dlaye vanhu vo tala.’*+  Hambiswiritano, Yehovha Xikwembu xa Israyele u ndzi hlawurile endyangwini hinkwawo wa tatana leswaku ndzi va hosi ya Israyele hilaha ku nga heriki,+ hikuva u hlawule Yuda leswaku a va murhangeri,+ eka yindlu ya Yuda u hlawule yindlu ya tatana,+ eka vana va tatana u hlawule mina leswaku a ndzi endla hosi ya tiko hinkwaro ra Israyele.+  Naswona eka vana va mina hinkwavo, hikuva Yehovha u ndzi nyike vana vo tala,+ u hlawule Solomoni n’wananga+ leswaku a tshama exiluvelweni xa Yehovha a va hosi eIsrayele.+  “U ndzi byele a ku, ‘Solomoni n’wana wa wena hi yena loyi a nga ta aka yindlu ya mina ni swivava* swa mina, hikuva ndzi hlawule yena leswaku a va n’wana wa mina naswona mina ndzi ta va tata wakwe.+  Ndzi ta tiyisa vuhosi byakwe hilaha ku nga heriki+ loko o yingisa swileriso ni swiboho swa mina+ hilaha a endlaka hakona sweswi.’  Kutani ndzi vulavula emahlweni ka Vaisrayele hinkwavo, vanhu va Yehovha lava hlengeletaneke ni le mahlweni ka Xikwembu xa hina, ndzi ri: Lavisisani swileriso hinkwaswo swa Yehovha Xikwembu xa n’wina mi tlhela mi swi yingisa, leswaku mi ta nyikiwa tiko lerinene+ leri mi nga ta ri siyela vana va n’wina.  “Wena Solomoni n’wananga, tiva Xikwembu xa tata wa wena u xi tirhela hi mbilu hinkwayo+ u tsakile, hikuva Yehovha u kambisisa timbilu hinkwato+ naswona u tiva swilo hinkwaswo leswi munhu a swi ehleketaka.+ Loko u n’wi lavisisa, u ta endla leswaku u n’wi kuma,+ kambe loko u n’wi tshika, u ta ku fularhela hilaha ku nga heriki.+ 10  Vona, sweswi Yehovha u ku hlawurile leswaku u n’wi akela yindlu leyi nga ta va ndhawu yo kwetsima. Vana ni xivindzi u sungula ntirho.” 11  Hiloko Davhida a nyika Solomoni n’wana wakwe pulani+ ya rikupakupa*+ ni ya tiyindlu, makamara yo veka nhundzu, makamara ya le henhla, makamara ya le ndzeni ni kamara leri Xikwembu xi rivalelaka swidyoho eka rona.+ 12  U n’wi nyike pulani ya swilo hinkwaswo leswi a kombiweke swona hi moya wa Xikwembu mayelana ni swivava+ swa yindlu ya Yehovha, makamara hinkwawo yo dyela eka wona, ndhawu yo veka swilo swa nkoka endlwini ya Xikwembu xa ntiyiso ni laha ku nga ta vekiwa swilo leswi nyikeriweke eka Xikwembu;+ 13  ni ya mitlawa ya vaprista+ ni Valevhi, mitirho hinkwayo leyi nga ta endliwa endlwini ya Yehovha ni ya swibya hinkwaswo leswi nga ta tirhisiwa endlwini ya Yehovha; 14  a n’wi byela mpimo wa nsuku, nsuku wa swibya hinkwaswo leswi nga ta tirhiseriwa mitirho yo hambanahambana, swibya swa silivhere ni swibya hinkwaswo leswi tirhiseriwaka mitirho yo hambanahambana; 15  ni ntiko wa swo tlhoma timboni swa nsuku+ ni timboni ta swona ta nsuku, ntiko wa swo tlhoma timboni swo hambanahambana ni timboni ta swona ni ntiko wa swo tlhoma timboni swa silivhere, ntiko wa xo tlhoma timboni xin’wana ni xin’wana ni timboni ta swona hi ku ya hi ndlela leyi a swi tirhisiwa ha yona; 16  ni ntiko wa nsuku wa matafula lawa ku nga ta vekiwa swinkwa swo hlawuleka*+ eka wona, ntiko wa tafula ha rin’we ni silivhere ya matafula ya silivhere, 17  wa tiforoko, mikambana ni mindzheko leyi endliweke hi nsuku wo tenga ni ntiko wa mikambana leyitsongo ya nsuku,+ ntiko wa nkambana wun’wana ni wun’wana lowutsongo ni ntiko wa mikambana leyitsongo ya silivhere, ntiko wa nkambana wun’wana ni wun’wana lowutsongo. 18  U tlhele a n’wi nyika ntiko wa nsuku wa xiyimo xa le henhla wa altari ya murhi wo nun’hwela+ ni wa xifaniso lexi yimelaka kalichi,+ ku nga makerubu+ ya nsuku lama phurumulaka timpapa ta wona ma funengeta areka ya ntwanano wa Yehovha. 19  Davhida a ku: “Yehovha u ndzi seketerile naswona u ndzi nyike vutivi leswaku ndzi tsala+ vuxokoxoko bya pulani+ hinkwayo.” 20  Hiloko Davhida a byela n’wana wakwe Solomoni a ku: “Vana ni xivindzi u tiya, kutani u sungula ntirho. U nga chavi kumbe u chuha, hikuva Yehovha Xikwembu, Xikwembu xanga u ta ku seketela.+ A nge ku tshiki kumbe a ku fularhela+ kambe u ta ku seketela ku fikela loko u heta ku endla ntirho hinkwawo wa yindlu ya Yehovha. 21  Hi leyi mitlawa ya vaprista+ ni ya Valevhi+ lava nga ta endla ntirho hinkwawo endlwini ya Xikwembu xa ntiyiso. U ni vatirhi lava tiyimiseleke, lava nga ni vuswikoti byo endla mitirho hinkwayo,+ ku katsa ni tindhuna+ ni vanhu hinkwavo, lava nga ta yingisa leswi u va lerisaka swona.”

Tinhlamuselo ta le hansi

Hi Xiheveru, “u halate ngati.”
Kumbe “vhurhandi.”
Ku nga swinkwa swo kwetsima.