Yobo 24:1-25
24 “Hikwalaho ka yini Lowa Matimba Hinkwawo a nga yi hlayisanga minkarhi,+Ni lava n’wi tivaka va nga ma vonanga masiku yakwe?+
2 Ku ni lava tlhentlhisaka mimfungho ya ndzilakana;+Va wutle ntlhambi, leswaku va wu risa.
3 Va teka ni mbhongolo ya xinuna ya vana lava nga riki na tatana;Va teka nkunzi ya nsati la nga noni leswaku yi va xitiyisekiso xa nandzu.+
4 Va hambukisa swisiwana endleleni;+Hi nkarhi lowu fanaka lava xanisekaka emisaveni va tifihlile.
5 Waswivo! Ku fana ni timangwa+ emanangaVa hlanganyele emintirhweni ya vona, va lava swakudya.Timbala ta le kwandzasini ti nyika un’wana ni un’wana xinkwa xa vafana.
6 Va tshovela furu ensin’wini,Naswona va hatla va phanga nsimu ya vhinya ya lowo homboloka.
7 Va tshama vusiku hinkwabyo va nga ambalanga, va nga ri na nguvu,+Naswona va nga ri na nguvu loko ku ri ni xirhami.+
8 Va tsakamisiwa hi xidzedze xa mpfula ya tintshava,Va boheka ku yima hi ribye hikuva a ku na xisirhelelo.+
9 Va wutla n’wana la nga riki na tatana eveleni,+Naswona va teka swa loyi a xanisekaka leswaku swi va xitiyisekiso xa nandzu.+
10 Va famba-famba va nga ambalanga nchumu, va nga ri na nguvu,Va boheka ku rhwala min’oko va ri ni ndlala.+
11 Va heta siku va ri exikarhi ka vuandlalo bya makhumbi;Va kama madiriva eswikamelweni, kambe va fa hi torha.+
12 Lava faka va tshama va konya va ri ehandle ka muti,Ni moya-xiviri wa lava vavisekeke ngopfu wu rilela mpfuno;+Xikwembu a xi swi languti swi ri nchumu lowu nga fanelangiki.+
13 Vona, va tikomba va ri exikarhi ka lava va xandzukelaka ku vonakala;+A va ti tivanga tindlela ta kona,Naswona a va tshamanga etindleleni ta kona.
14 Munhu la dlayaka hi vomu u pfuka nimpundzu,A dlaya la xanisekaka ni la nga xisiwana;+Naswona nivusiku u tshamela ku va khamba.+
15 Loko ku ri tihlo ra muoswi,+ ri langutele vusiku,+Yena u ri, ‘Ku hava tihlo leri nga ta ndzi vona!’+Naswona u veka nguvu exikandzeni xa yena.
16 U cele tindlu a nghena emunyameni;Ninhlikanhi va boheka ku tilotlela endzeni.A va ku tivanga ku vonakala ka siku.+
17 Hikuva mixo wa fana ni ndzhuti+ lowukulu eka vona,Hikuva va ku tiva ku chavisa ka xitshuketa ka ndzhuti lowukulu.
18 U ni rivilo swinene evuandlalweni bya mati.Xiphemu xa tiko ra vona xi ta rhukaniwa emisaveni.+A nga ka a nga hundzulukeli emasin’wini ya vhinya.
19 Dyandza ni mumu, swi wutla mati ya gamboko;Sheol yi endla tano eka lava dyoheke!+
20 Mbeleko wu ta n’wi rivala, xivungu xi ta n’wi dya xi tiphina,+A nge he tsundzukiwi.+Ni leswi nga lulamangiki swi ta tshoviwa ku fana ni murhi.+
21 U tirhisana ni mhika leyi nga tswariki,Ni noni,+ leyi a nga yi endliki leswinene.
22 Hakunene u ta susa vanhu lava tiyeke hi matimba yakwe;U ta pfuka kambe a nga tiyiseki hi vutomi byakwe.
23 U ta n’wi endla a va ni ntshembo+ wa leswaku a nga tiseketela;Ni mahlo yakwe ma ta va etindleleni ta vona.+
24 Va ve ehenhla swinene swa nkarhinyana, kutani a va ha ri kona,+Va yisiwe ehansi;+ ku fana ni lavan’wana hinkwavo, va khiwa,Naswona va tsemiwa ku fana ni nhloko ya n’oko.
25 Kunene, i mani la nga ndzi endlaka muhembi sweswiKumbe a endla marito ya mina ma nga vi nchumu?”
