Yobo 23:1-17
23 Yobo a ya emahlweni a hlamula a ku:
2 “Ni namuntlha xiyimo lexi xi ndzi vilerisaka+ i ku xandzuka;Voko ra mina ra tika hikwalaho ka nhlomulo wa mina.
3 Mawaku loko a ndzi ku tivile lomu ndzi nga ta hlangana na xona kona!+A ndzi ta ta endhawini ya xona ku ri hava lexi ndzi kavanyetaka.+
4 A ndzi ta andlala mhaka leyi lavaka vululami emahlweni ka xona,Naswona nomu wa mina a ndzi ta wu tata hi tinhlamulo;
5 A ndzi ta tiva marito lawa xi ndzi hlamulaka ha wona,A ndzi ta ehleketisisa hileswi xi ndzi byelaka swona.+
6 Xana xi nga kanetana na mina hi matimba lamakulu?Doo! Kunene xona xi ta ndzi yingisa.+
7 Kunene kwalaho lowo lulama u ta lulamisa timhaka na xona,Naswona ndzi ta tshama ndzi ntshunxekile eka vuavanyisi bya mina hi masiku.
8 Waswivo! Ndzi ya evuxeni, kambe a xi kona;Ndza tlhela, kambe a ndzi xi lemuki;+
9 Eximatsini laha xi tirhaka kona, kambe a ndzi xi voni;Xi hambukela exineneni, kambe a ndzi xi voni.
10 Hikuva xi yi tiva kahle ndlela leyi ndzi yi tekaka.+Endzhaku ka loko xi ndzi ringile, ndzi ta huma ku fana ni nsuku.+
11 Milenge ya mina yi landzelela tindlela ta xona;Ndlela ya xona ndzi yi hlayisile, a ndzi hambuki.+
12 A ndzi suki exilerisweni xa nomu wa xona.+Ndzi teka marito ya nomu+ wa xona ma ri ni ntikelo ku tlula leswi ndzi lerisiwaka swona.
13 Naswona xi ni mianakanyo yin’we, i mani la nga xi sivelaka?+Ni moya-xiviri wa xona wa navela, xi ta swi endla.+
14 Hikuva xi ta swi endla hi ku helela leswi ndzi lerisiwaka swona,+Swilo swo fana ni leswi swi tele eka xona.
15 Hi swona leswi endlaka leswaku ndzi karhateka hikwalaho ka xona;Ndzi rhiya ndleve naswona ndza xi chava.+
16 Xikwembu xi endle mbilu ya mina yi chava,+Ni Lowa Matimba Hinkwawo u ndzi kavanyetile.+
17 Hikuva a ndzi miyetiwanga hikwalaho ka munyama,Ni ku dzwihala a ku xi funengetanga xikandza xa mina.
