Yobo 20:1-29
20 Sofara lowa Munamani a ya emahlweni a angula a ku:
2 “Hikokwalaho, miehleketo ya mina leyi ndzi karhataka ya ndzi hlamula,Ni ku chava ka mina loku nga endzeni.
3 Ndzi twa xikhongotelo xa ku ndzi rhukana;Ni moya lowu nga riki na ku twisisa lowu ndzi nga na wona wa ndzi angula.
4 Xana i khale u tiva nchumu lowu,Hi mpfhuka munhu a vekiwa ehenhla ka misava,+
5 Leswaku ku huwelela ka ku tsaka ka vanhu vo homboloka ku komile+Nileswaku ku tsaka ka mugwinehi i ka nkarhinyana?
6 Hambiloko vunene byakwe byi tlhandlukela etilweni+Ni nhloko yakwe yi fika emapapeni,
7 U nyamalalela makumu ku fana ni vulongo byakwe;+Lava n’wi vonaka va ta ku, ‘U kwihi?’+
8 U ta haha ku fana ni norho, a va nge n’wi kumi;U ta hlongoriwa ku fana ni xivono xa vusiku.+
9 Tihlo leri n’wi voneke a ri nge he n’wi voni,+Ni ndhawu yakwe a yi nge he tlheli yi n’wi vona.+
10 Vana vakwe va ta lava ku tsakeriwa hi munhu la nga xisiwana,Ni mavoko yakwe ma ta tlherisela swilo swakwe swa nkoka.+
11 Marhambu yakwe ma tele hi matimba ya vuntshwa byakwe,Kambe ma ta etlela na yena entshurini.+
12 Loko leswo biha swi tsokombela enon’wini wakwe,Loko a swi n’okisa ehansi ka ririmi rakwe,
13 Loko a swi rhandza kutani a nga swi tshiki,Naswona a tshama a swi khome exikarhi ka malaka yakwe,
14 Swakudya swakwe swi ta hundzuriwa emarhumbyini yakwe;Swi ta va nyongwa ya swivatlankombe endzeni kakwe.
15 U mite rifuwo, kambe u ta ri hlanta;Xikwembu xi ta ri humesa ekhwirini rakwe.
16 U ta an’wa vuxungu bya swivatlankombe;Ririmi ra mhiri ri ta n’wi dlaya.+
17 A nge he ti voni tindlela ta mati,+Swinambyana leswi khulukaka swa vulombe ni phehlwa.
18 U ta tlherisela ndhawu yakwe leyi a yi kumeke, a nga ka a nga yi miti;Ku fana ni rifuwo ra bindzu rakwe, kambe leri a nga ta ka a nga ri tsakeli.+
19 Hikuva u pfotlosele swisiwana, u swi siyile;U wutle yindlu leyi a nga yi akangiki.+
20 Kunene a nge wisi ekhwirini rakwe;Swilo swakwe leswi navelekaka a swi nge n’wi ponisi.+
21 A ku na nchumu lexi a siyeriweke xona leswaku a xi dya;Hikwalaho ka sweswo vutomi byakwe a byi nge khomeleli.
22 Niloko ndzalo yakwe yi fikelele nhlohlorhi, u ta vilela;+Matimba hinkwawo ya mhangu ma ta n’wi wela ehenhla.
23 Sweswo a swi endleke, swi ta tata khwiri rakwe,U ta rhumela ku hlundzuka kakwe loku hisaka ehenhla ka yena+Naswona ku ta n’wi nela, emarhumbyini yakwe.
24 U ta balekela+ swihlomo swa nsimbi swa nyimpi;Vurha bya koporo byi ta n’wi boxa.
25 Ni nseve wu ta huma hi hala nhlaneni wakwe,Ni tlhari leri vangamaka ri ta huma hi hala nyongeni yakwe;+Swilo leswi chavisaka swi ta lwa na yena.+
26 Munyama hinkwawo wu ta vekeriwa swilo swakwe swa nkoka;Ndzilo lowu nga pfurheteriwangiki hi munhu wu ta n’wi dya;+Swi ta n’wi fambela ku biha la poneke entsongeni wakwe.
27 Tilo ri ta funungula xidyoho xakwe,+Ni misava yi ta n’wi pfukela.
28 Mpfula leyikulu yi ta khukhula yindlu yakwe;Ku ta va ni swilo leswi nga ta chuluriwa hi siku ra ku hlundzuka ka xona.+
29 Lexi i xiavelo xa munhu wo homboloka lexi humaka eka Xikwembu,+Ni ndzhaka yakwe leyi humaka eka Xikwembu.”
