Yeremiya 45:1-5
45 Rito leri Yeremiya lowa muprofeta a ri byeleke Baruku+ n’wana wa Neriya loko a tsala ebukwini marito lawa a ma huma enon’wini wa Yeremiya+ elembeni ra vumune ra Yoyakimi+ n’wana wa Yosiya, hosi ya Yuda, ri ku:
2 “Yehovha Xikwembu xa Israyele u vurile malunghana na wena, Wena Baruku, a ku,
3 ‘U te: “Khombo eka mina,+ hikuva Yehovha u engetele gome eka xitlhavi xa mina! Ndzi hele matimba hikwalaho ka nhlomulo wa mina, naswona a ndzi yi kumanga ndhawu yo wisela eka yona.”’+
4 “U fanele u n’wi byela u ku, ‘Yehovha u te: “Waswivo! Leswi ndzi swi akeke ndza swi hirimuxa, nileswi ndzi swi byaleke ndza swi simula, ni tiko hinkwaro.+
5 Kambe loko ku ri wena, u tshamela ku lava swilo leswikulu.+ U nga tshameli ku swi lava.”’+
“‘Hikuva ndzi tisa khombo ehenhla ka nyama hinkwayo,’+ ku vula Yehovha, ‘naswona ndzi ta ku nyika moya-xiviri wa wena kukota leswi phangiweke etindhawini hinkwato leti u nga ta ya eka tona.’”+
