Pisalema 99:1-9
99 Yehovha i hosi.+ Vanhu a va rhurhumele.+U tshame ehenhla ka makerubu.+ Misava a yi tsekatseke.+
2 Yehovha i nkulu eSiyoni,+Naswona u tlakukile ehenhla ka vanhu hinkwavo.+
3 A va dzunise vito ra wena.+I rikulu naswona ra chaviseka, ra kwetsima.+
4 Hi ntamu wa hosi u rhandze vuavanyisi.+Wena u simeke vululami byi tiya.+U endle vuavanyisi ni ku lulama eka Yakobe.+
5 Tlakusani Yehovha Xikwembu xa hina,+ naswona mi nkhinsama evunavelweni byakwe;+Wa kwetsima.+
6 Muxe na Aroni a va ri exikarhi ka vaprista vakwe,+Samuwele a ri exikarhi ka lava va vitanaka vito rakwe.+A va vitana Yehovha, naswona yena a a tshamela ku va hlamula.+
7 A a vulavula na vona a ri epapeni lerikulu.+A va hlayisa switsundzuxo ni swileriso leswi a a va nyika swona.+
8 Oho Yehovha Xikwembu xa hina, wena u va hlamurile.+A wu ri Xikwembu lexi xi va rivalelaka,+U va rihisela hikwalaho ka swiendlo swa vona swo biha.+
9 Tlakusani Yehovha Xikwembu xa hina+Mi nkhinsama entshaveni yakwe yo kwetsima.+Hikuva Yehovha Xikwembu xa hina wa kwetsima.+
