Risimu Ra Solomoni 6:1-13
6 “Xana murhandziwa wa wena u ye kwihi, Wena la sasekeke ngopfu exikarhi ka vavasati?+ Xana murhandziwa wa wena u hundzulukele kwihi, leswaku hi ta ku lavisa yena?”
2 “Murhandziwa wanga u rhelele entangeni wakwe,+ emintangeni ya mirhi yo nun’hwela,+ leswaku a ya risa+ exikarhi ka mintanga, ni ku kha makhon’wa.
3 Ndzi wa murhandziwa wanga, ni murhandziwa wanga i wa mina.+ U risa+ exikarhi ka makhon’wa.”
4 “U sasekile, Wena nhwanyana la nga nakulorhi,+ ku fana ni Muti wo Tsakisa,+ u languteka ku fana na Yerusalema,+ u xiximeka ku fana ni mavuthu+ lama hlengeletaneke emijekweni.+
5 Susa mahlo+ ya wena eka mina, hikuva ma ndzi chavisile. Misisi ya wena yi fana ni ntlhambi wa timbuti leti a ti tlula-tlula ti rhelela ku suka eGiliyadi.+
6 Meno ya wena ma fana ni ntlhambi wa tinyimpfu lowu vuyaka eku hlambisiweni, hinkwato ka tona ti tswalaka mahahla, ku nga riki na yin’we eka tona leyi holoteke.+
7 Xivandla xa wena lexi nga exikarhi ka mahlo ni tindleve ta wena xi fana ni xiphemu xa grenada enturhwini wa wena.+
8 Ku nga ha va ni tihosi ta xisati ta 60 ni vasati lavatsongo va 80 ni vanhwanyana lava nga hlayekiki.+
9 Ku ni un’we la nga tuva+ ra mina, la pfumalaka xisandzu wa mina.+ Ku ni un’we la nga wa mana wakwe. Hi loyi a tengeke eka loyi a n’wi velekeke. Vanhwanyana va n’wi vonile, kutani va n’wi vula la tsakeke; tihosi ta xisati ni vasati lavatsongo va n’wi dzunisile,+
10 ‘I mani wansati+ loyi la langutaka ehansi ku fana ni vurhonga,+ la sasekeke ku fana ni n’weti lowu thwaseke,+ la tengeke ku fana ni dyambu leri vangamaka,+ la xiximekaka ku fana ni mavuthu lama hlengeletaneke emijekweni?’”+
11 “Ndzi rhelele ndzi ya entangeni+ wa mirhi ya timanga, ku vona swihluke enkoveni,+ ku vona loko murhi wa vhinya wu hlukile, kumbe loko mirhi ya grenada yi hlukile.+
12 Ndzi nga si swi tiva, moya-xiviri wa mina a wu ndzi veke emakalichini ya vanhu lava swi rhandzaka.”
13 “Vuya, vuya, Wena Muxulami! Vuya, vuya, leswaku hi ku vona!”+
“Xana mi vona yini eka Muxulami?”+
“Nchumu lowu fanaka ni ncino wa mixaxa yimbirhi!”
