Esaya 12:1-6
12 Hakunene esikwini+ rero u ta ku: “Ndzi ta ku nkhensa, Wena Yehovha, hikuva hambileswi a wu ndzi hlundzukerile, ku hlundzuka ka wena ku tlherile hakatsongo-tsongo,+ kutani u ndzi chavelela.+
2 Waswivo! Xikwembu i ku ponisiwa ka mina.+ Ndzi ta va ni ntshembo, ndzi nga chavi;+ hikuva Yah Yehovha i ntamu+ wa mina ni matimba ya mina,+ naswona u ve ku ponisiwa ka mina.”+
3 Hi ku khana mi ta ka mati eswihlobyeni swa ku ponisa.+
4 Kunene esikwini rero mi ta ku: “Nkhensani Yehovha!+ Vitanani vito rakwe.+ Tivisani vanhu swiendlo swakwe.+ Vulani leswaku vito rakwe ri yisiwa ehenhla.+
5 Yimbelelelani Yehovha miloti,+ hikuva u endle swilo leswikulu ngopfu.+ Leswi swi tivisiwa emisaveni hinkwayo.
6 “Banani xivuvutana mi huwelela hi ku tsaka, N’wina vaaki va Siyoni, hikuva Mukwetsimi wa Israyele hi yena lonkulu exikarhi ka n’wina.”+
