Skip to content

Skip to secondary menu

Iehova Ve Witnes Karu

Toaripi

Leisa Are Mearovaeka La Kiva Leipea?

Leisa Are Mearovaeka La Kiva Leipea?

Ave seseovai are . . .

  • Ualare?

  • mearovaeka karu?

  • o karu aea?

 BAIBEL ARE MOFEARE MOI

‘Mearovaeka karu foromai Kaiae Vita ve siahu ve iri voa roroa.’—1 Ioane 5:19, Safu Buka.

‘Ualare ve Atute are forerope, ipi Diabolo sa leita lea mai la sarorapai vei.’—1 Ioane 3:8.

LEA VE EITE ARE LEKORU

Lofeare vei mearovaeka voa hehea aeata haisora louapo ere la foreraipea.—Apokalupo 12:12.

Mearovaeka are lareva leiti roi.—1 Ioane 2:17.

 BAIBEL VE Ō EREITA SUKAREREITA ORE, EI?

Eha, ipi oroisori are meha:

  • Satana ve siahu are kaoleiti roi. Iehova are Satana sa karu la kiva leita mai are sarorapai roi. Areve otoare are meha, are Diabolo “la sarorapai” roi, Satani sa leipeta lea kaiae foromai are lei haura leiti roi.—Heberu 2:14.

  • Ualare sa Iesu Keriso la ovope, mearovaeka kiva leiti vei. Mea mearovaeka ve kiva karu Satana, are maeaforoe kao, are elore lareva haria la seseovaitore. A Iesu are lofeare kao, Ualare ve otoare, Iesu ve lariovaita mai are mofeare moipe: ‘Are merava karu aea merava sarufa karu la maeaforoe leiti roi. Are karu sa hasiavaita karu’ lei makuri leiti roi.—Salamo 72:13, 14.

  • Ualare are apeva moita ore kao. Baibel are moipe: ‘Ualare ve o are apeva levi leiti roi.’ (Heberu 6:18) Iehova are etou aea leiti ve otoare arita soa, lea etou are okofa ita lei forerai roi. (Isaia 55:10, 11) Are sa “mea mearovaeka ve papuvita la sukavutea maria voa mutapai roi.”—Ioane 12:31.

 MEA LALASI Ō SESEOVAIA

Mea mearovaeka ve kiva karu sarorapaita ve aite voa, mearovaeka are leafeare?

Lea lalasi ve tova ō are SALAMO 37:10, 11 aeata APOKALUPO 21:3, 4 voa.