Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Wastaua  |  No. 2 2017

Ol man i abrusim taim bilong las de bai stap long Paradais long graun

Baibel i Tok Wanem?

Baibel i Tok Wanem?

Yumi stap long “taim bilong las de”?

Bai yu bekim olsem wanem?

  • Yes

  • Nogat

  • Ating

Baibel i tok

“Long taim bilong las de, taim nogut bai kamap na dispela bai givim hatwok long ol man.” (2 Timoti 3:1) Ol tok profet Baibel i kolim na ol hevi i kamap long nau i soim olsem yumi stap long “taim bilong las de.”

Yumi kisim wanem skul long Baibel?

  • Long taim bilong las de, bai i gat ol woa, ol guria, ol bikpela sik, na bikpela hangre.—Matyu 24:3, 7; Luk 21:11.

  • Long taim bilong las de, pasin bilong ol man bai i go nogut moa na ol bai i no laikim God.—2 Timoti 3:2-5.

Wanem samting bai painim ol man long bihain?

Sampela man i bilip olsem . . . graun bilong yumi na olgeta manmeri bai bagarap na pinis olgeta. Tasol ol arapela i ting sindaun bilong yumi bai kamap gutpela. Yu gat wanem tingting?

Baibel i tok

“Ol stretpela man bai i kisim graun God i givim ol, na bai ol i stap oltaim long en.” Song 37:29.

Yumi kisim wanem skul long Baibel?

  • Haptaim bilong las de bai pinis taim God i bagarapim olgeta man nogut.—1 Jon 2:17.

  • Graun olgeta bai kamap ples paradais. —Aisaia 35:1, 6.