Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Kirap!  |  No. 3 2016

 YU TING WANPELA I BIN WOKIM?

Nek Bilong Anis

Nek Bilong Anis

OL ENSINIA i kirap nogut long pasin bilong anis long karim ol hevipela samting winim hevi bilong bodi bilong en. Bilong save hau na anis i gat dispela kain strong, ol ensinia long Ohio State University long Amerika i wokim piksa bilong wanpela anis long kompiuta na bai ol inap save long bodi bilong en, strong bilong en, na pasin bilong en long muv na wokabaut. Ol i yusim masin x-ray (micro CT scans) long mekim wok painimaut long olsem wanem anis i gat strong long karim ol hevipela samting.

Nek bilong anis i gat bikpela strong na dispela i helpim em long karim ol samting i stap long maus bilong em. Maski nek bilong anis i no strong tumas, em i joinim het na bodi bilong en. Na dispela i wankain long man i foldim ol pinga bilong en. Wanpela saveman i tok: “Disain na strong long nek bilong anis i helpim em long mekim bikpela wok. Em narakain samting olsem hap bilong bodi i no gat strong i join wantaim narapela hap bilong bodi i gat strong, ating dispela i mekim na anis inap long karim ol hevipela samting long maus bilong en.” Ol saveman i ting taim ol i save gut long hau nek bilong anis i save wok, ol inap wokim ol robot i mekim wankain wok olsem ol anis.

Yu ting wanem? Nek bilong anis i mekim bikpela wok na i helpim em long karim ol hevipela samting i kamap long rot bilong evolusen? O wanpela i bin wokim?