Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Kirap!  |  No. 1 2016

 FRAN PES STORI

Pasin Bilong Yu i Bikpela Samting!

Pasin Bilong Yu i Bikpela Samting!

Yu ting wanem samting inap mekim yu i stap amamas?

  • ol samting i painim yu

  • pasin yu kisim long papamama

  • pasin bilong yu

ATING sampela bai makim “ol samting i painim yu,” na ol bai tok, “Mi bai amamas  . . .

  • “sapos mi gat planti mani”

  • “sapos marit bilong mi i gutpela”

  • “sapos mi gat gutpela helt”

Bilong i stap amamas, pasin bilong yu i bikpela samting moa winim ol samting i painim yu na pasin yu kisim long papamama. Bilong wanem yumi tok olsem? Long wanem, yumi inap kontrolim pasin bilong yumi, tasol yumi no inap kontrolim ol samting i painim yumi na pasin yumi bin kisim long papamama.

“MARASIN BILONG MEKIM MAN I STAP GUT”

Wanpela savetok bilong Baibel i tok: “Pasin bilong belgut i olsem marasin bilong mekim man i stap gut. Tasol sapos tingting bilong man i bagarap, dispela i olsem sik nogut i wok long bagarapim ol bun bilong en.” (Sindaun 17:22) Dispela i makim olsem pasin bilong yu i bikpela samting! Pasin bilong yu inap helpim yu long winim ol mak yu putim o mekim na yu givap. Na tu, sapos hevi i kamap yu inap karim o nogat.

Sampela i ting, olsem wanem pasin bilong ol inap helpim ol long i stap amamas. Ating ol bai tok:

  • Wai na mi mas haitim ol hevi bilong mi na ting ol gutpela samting bai kamap long mi?’

  • ‘Maski mi holim stretpela tingting dispela i no inap long senisim ol samting i painim mi.’

  • Mi tingim ol samting i kamap long nau, na mi no laik driman nating.’

Planti man i holim kain tingting olsem. Tasol gutpela samting inap kamap sapos yu holim stretpela tingting. Bilong kliagut long dispela, skelim ol samting i save kamap.

Long ples wok, Alex na Brian i givim bel tru long wok long ol narapela narapela projek. Bihain supavaisa i skelim wok bilong ol, na em i tokim ol long ol popaia bilong ol.

  • Alex: “Mi lusim bikpela taim na strong long mekim wok, tasol mi popaia yet! Maski mi wok hat tru, mi no inap mekim gut dispela wok. Wai na mi wok hat yet?”

  • Brian: “Supavaisa i amamas long sampela wok mi mekim, tasol mi mekim sampela bikpela popaia. Mi kisim gutpela skul na dispela bai helpim mi long mekim gut wok long bihain.”

 YU TING WANEM?

  • Husat bai kamap gutpela wokman long 6-pela mun bihain, Alex o Brian?

  • Sapos yu bos bilong wanpela kampani, bai yu kisim husat long wok long kampani bilong yu?

  • Taim yu bel hevi, yu bihainim pasin bilong Alex o Brian?

Andrea na Brittney i save bungim hevi bilong i stap wanpis sampela taim. Tupela i save mekim narapela narapela samting long karim dispela hevi.

  • Andrea i save tingim em yet. Em i amamas long helpim ol narapela sapos ol i bin helpim em. Em i tok, ‘Wai na bai mi westim taim bilong mi long helpim ol man i no save helpim mi?’

  • Brittney i wok strong long mekim gutpela pasin long ol narapela na helpim ol maski ol i nogat pasin bilong tok tenkyu. Em i bihainim Gutpela Lo Tru na mekim gutpela pasin long ol narapela, em pasin em i laik bai ol narapela i mekim long en. (Luk 6:31) Brittney i save olsem gutpela samting inap kamap long pasin bilong mekim gut long narapela.

YU TING WANEM?

  • Bai yu amamas long stap pren bilong husat?

  • Husat bai amamas long ol samting em i mekim long helpim ol pren bilong em?

  • Sapos sampela taim yu pilim olsem yu stap wanpis, yu save bihainim pasin bilong Andrea o Brittney?

Ating yu save long sampela man husat i gat wankain pasin olsem Brian na Brittney. O ating yu pilim olsem yu bihainim pasin bilong ol. Sapos olsem, bai yu luksave olsem pasin bilong yu inap stiaim ol samting i kamap long laip bilong yu. Tasol olsem wanem sapos yu gat wankain pasin olsem bilong Alex na Andrea? Yumi ken stori long 3-pela rot em Baibel inap helpim yu long holim stretpela tingting long ol hevi i painim yu.

 1 NO KEN TING OL GUTPELA SAMTING I NO INAP KAMAP

BAIBEL I TOK: “Sapos taim nogut i painim yu na bun bilong yu i slek, orait yu no gat strong tru.”—Sindaun 24:10.

MAKIM WANEM SAMTING: Sapos yu ting ol gutpela samting i no inap kamap, dispela bai pinisim strong bilong yu na yu no inap mekim ol samting bilong karim hevi i painim yu.

EKSAMPEL: Juliza i bungim planti hevi taim em i liklik meri. Papa bilong en em man bilong dring spak, na famili bilong en i stap rabis. Olsem na ol i bin go stap long narapela narapela ples. Pastaim, Juliza i ting i no gat gutpela samting bai painim em. Tasol bihain tingting bilong en i senis. Wanem samting i helpim em long mekim olsem? Juliza i tok: “Paslain long papamama i save long rot bilong daunim ol hevi bilong ol, tok bilong Baibel i helpim mi long holim stretpela tingting long ol samting i kamap. I kam inap long nau, ol tok bilong Baibel i helpim mi long holim stretpela tingting long ol hevi i painim mi. Long nau, taim ol arapela i bihainim ol pasin em mi no amamas long en, mi traim bes long kliagut long risen na ol i mekim olsem.”

Juliza i bin kisim save olsem Baibel i gat ol gutpela stiatok bilong helpim yumi. Ol tok bilong Baibel inap helpim yumi long karim ol hevi. Olsem, long Efesus 4:23, Baibel i tok: “Oltaim tingting bilong yupela i mas wok long kamap nupela.”

Dispela skripsa i kamapim olsem yumi inap senisim tingting yumi gat long ol samting i kamap. Tingting bilong yu inap long “kamap nupela.” Olsem na oltaim yumi mas wok strong long mekim olsem. Em risen na Baibel i tok, “oltaim tingting bilong yupela i mas wok long kamap nupela.”

2 TINGIM OL GUTPELA SAMTING

BAIBEL I TOK: “Man i sot long ol samting, em i stap nogut na i gat bikpela hevi oltaim. Tasol sapos em i man bilong belgut na amamas, orait olgeta de i olsem de bilong pati.” —Sindaun 15:15.

MAKIM WANEM SAMTING: Sapos yu no holim stretpela tingting long ol samting i kamap, bai yu pilim olsem yu “stap nogut” na long olgeta de, i olsem yu gat “bikpela hevi.” Tasol yu bai “belgut na amamas” sapos yu tingim ol gutpela samting. Ol disisen bilong yu inap mekim yu stap amamas o bel hevi.

EKSAMPEL: Yanko i bin kisim planti operesen, long wanem, em i gat tiuma long kru, na dispela i mekim na Yanko i no inap toktok na muvim han na lek samting. Taim dispela hevi i painim em, em i bel hevi inap planti yia, long wanem, em i pilim olsem em i no inap winim ol mak em i putim. Tasol bihain tingting bilong en i senis. Wanem samting i helpim em long mekim olsem? Em i tok: “Mi kisim pasin bilong tingim ol gutpela samting na mi no tingim ol samting mi no inap long mekim.”

Wanpela samting i helpim Yanko em pasin bilong ritim Baibel. Em i tok: “Dispela i helpim mi long tingim ol gutpela samting. Long nau, mi putim ol liklik mak em mi laik winim, na bai mi inap winim ol bikpela mak long bihain. Taim mi bel hevi, mi save tingim ol gutpela samting i bin painim mi, na dispela i mekim mi amamas.”

Olsem Yanko, mobeta yu tingim ol gutpela samting bai kamap, na no ken tingim ol hevi we inap kamap. Olsem wanem sapos wanpela hevi i painim yu? Ating yu gat bikpela sik olsem Yanko, orait askim yu yet, ‘I gat gutpela samting bai kamap long mi o nogat? Mi inap long winim dispela hevi?’ Tingim ol gutpela samting bai kamap na no ken tingim ol hevi bilong yu.

 3 HELPIM OL NARAPELA

BAIBEL I TOK: “Amamas bilong givim samting i winim amamas bilong kisim samting.” —Aposel 20:35.

MAKIM WANEM SAMTING: Man bilong givim samting long ol narapela i save amamas tru. Bilong wanem? Long wanem, God i wokim yumi long helpim ol narapela na yumi no tingim tasol ol samting yumi nidim. (Filipai 2:3, 4; 1 Jon 4:11) Amamas bilong givim samting long ol narapela inap helpim yumi long karim ol hevi i painim yumi.

EKSAMPEL: Josué i gat sik long bun bilong baksait (spina bifida), olsem na em i save pilim bikpela pen. Maski i olsem, em i amamas long mekim gutpela wok bilong helpim ol narapela. Josué i tok: “Mi no save tok olsem, ‘Mi no inap long mekim dispela wok.’ Mi amamas long tingim ol samting mi ken mekim bilong helpim ol narapela long ol samting ol i nidim long wan wan de. Mi save painim rot bilong helpim ol arapela, na dispela i mekim mi amamas.”

SAMTING YU KEN MEKIM

Painim ol rot long daunim laik bilong yu na helpim ol narapela. Olsem wanem? Yu inap redim kaikai bilong wanpela neiba i sik? Yu save long sampela man i gat bikpela krismas na ol i nidim helpim long mekim ol wok bilong haus?

Wankain olsem yu save lukautim gaden, yu mas stretim stretim pasin bilong yu. Na olsem yu save kamautim ol gras nogut long gaden, yu mas rausim pasin bilong ting olsem ol gutpela samting i no inap kamap. Holim stretpela tingting na mekim ol gutpela wok na bai yu inap stap amamas. Taim yu mekim olsem, ol gutpela samting bai painim yu. Na dispela i kamapim klia olsem pasin bilong yu i bikpela samting!

Sampela man i laik lukautim helt bilong ol, olsem na ol i abrusim sampela kaikai. Olsem tasol yumi mas sakim pasin bilong tingting planti