Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Kirap!  |  Februeri 2015

 FRAN PES STORI | YU TING BAIBEL INAP HELPIM YUMI?

Ol Gutpela Pasin Em Olgeta Man i Ken Bihainim— Bosim Bel

Ol Gutpela Pasin Em Olgeta Man i Ken Bihainim— Bosim Bel

STIATOK BILONG BAIBEL: “Man i no gat gutpela tingting i save larim belhat bilong en i kamap ples klia. Tasol man i gat gutpela tingting i save pasim belhat bilong em yet.”Sindaun 29:11.

“Mi pilim olsem mi kamap nupela man!”

GUTPELA SAMTING I KAMAP: Sapos yu bosim gut bel, planti gutpela samting inap kamap long dispela! Olsem, pasin bilong bosim bel inap helpim helt bilong man. Baibel i tok: “Sapos man i stap bel isi, orait bodi bilong en bai i stap gut.” Na tu, “pasin bilong belgut i olsem marasin bilong mekim man i stap gut.” (Sindaun 14:30; 17:22) Ol wok painimaut i soim olsem ol man husat i gat pasin bilong belhat na kros, ol i save kisim kain kain sik olsem sik bilong klok samting. Na pasin bilong bosim bel i helpim yumi long planti arapela samting tu.

Cassius i gat 30 krismas samting i tok: “Mi save kros hariap na planti taim mi pait long ol narapela, na mi no save rispektim mi yet. Tasol mi senisim pasin bilong mi taim mi bihainim ol stiatok bilong Baibel. Mi kisim pasin daun, mi fogivim ol narapela na mi daunim belhat bilong mi. Sapos mi no bin mekim olsem, ating nau bai mi stap long kalabus. Mi pilim olsem mi kamap nupela man!”

Cassius i kisim pasin bilong daunim belhat na em i save fogivim ol narapela