Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Kirap!  |  Janueri 2015

 FRAN PES STORI

Laip i Kamap Olsem Wanem?

Laip i Kamap Olsem Wanem?

Bai yu makim wanem bekim?

LAIP I KAMAP LONG ROT BILONG ․․․․․.

  1. EVOLUSEN

  2. KRIETA

SAMPELA man inap tok ol man i bilip long saiens bai makim “evolusen” na ol man bilong lotu bai makim “krieta.”

Tasol dispela tingting i no stret.

Wanpela profesa bilong baioloji long McMaster University long Kanada, em Rama Singh i tok: “Ol bikman bilong lotu na planti man i gat bikpela save i no wanbel long dispela bilip bilong evolusen.”

Tingim Gerard, em wanpela profesa bilong mekim wok painimaut long ol binatang. Em i stori long save em i kisim long bilip bilong evolusen taim em i stap long kolis. Em i tok: “Long taim bilong eksem, mi save raitim ol tok em ol tisa bilong mi bai wanbel long en, tasol mi no bilip long evolusen.”

Bilong wanem sampela saientis i no bilip olsem ol samting i gat laip i kamap long rot bilong evolusen? Bilong bekim dispela askim, yumi ken skelim tupela askim em planti saveman i hatwok long save gut long en. (1) Laip i kamap olsem wanem? na (2) Laip i kamap long rot bilong evolusen?