Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Husat i Mekim Laik Bilong Jehova Long Nau?

Wanem Laik Bilong God?

Wanem Laik Bilong God?

God i laik bai yumi stap bel isi na amamas oltaim long Paradais long graun!

Tasol ating yu tingting, ‘Olsem wanem dispela samting inap kamap?’ Baibel i tok, Kingdom Bilong God bai kamapim dispela samting, na em laik bilong God olsem olgeta manmeri i kisim save long dispela Kingdom na ol samting God i tingting pinis long mekim bilong helpim yumi.Song 37:11, 29; Aisaia 9:7.

God i laik bai yumi stap gut.

Olsem wanpela gutpela papa i laik bai gutpela samting i painim ol pikinini bilong em, Papa bilong yumi long heven i laik bai yumi stap amamas oltaim. (Aisaia 48:17, 18) Em i tok promis olsem man i “bihainim laik bilong God em bai stap oltaim oltaim.”1 Jon 2: 17.

God i laik bai yumi wokabaut long rot em i makim.

Baibel i tok, Man Bilong Wokim yumi i laik “skulim yumi long ol pasin em i laik yumi mekim” na bai “yumi ken wokabaut long rot em yet i makim.” (Aisaia 2:2, 3) Em i oganaisim ‘wanpela lain em nem bilong en i stap long ol,’ na bai ol i tokaut long laik bilong em long olgeta hap.Aposel 15:14.

God i laik bai yumi stap wanbel long lotuim em.

Lotu tru bilong Jehova i no brukim lain, nogat, em i mekim na ol lain man i stap wanbel na i laikim narapela narapela. (Jon 13:35) Husat long nau i skulim ol man na meri long olgeta hap long stap wanbel long mekim wok bilong God? Bilong kisim save long dispela, plis ritim dispela buklet.