Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Baibel Stori Buk Bilong Mi

Hap 7: Taim Jisas i Kirap Bek Inap Long Taim Pol i Kalabus

Hap 7: Taim Jisas i Kirap Bek Inap Long Taim Pol i Kalabus

Ol i kilim Jisas i dai, na 3-pela de bihain em i kirap bek. Long dispela de, em i kamap 5-pela taim long ol disaipel bilong em. Na inap 40 de olgeta em i kamap long ol. Bihain, sampela disaipel i sanap lukluk i stap na Jisas i go antap long heven. Tenpela de bihain God i kapsaitim holi spirit long ol disaipel bilong Jisas i wet i stap long Jerusalem.

Bihain ol birua i putim ol aposel long kalabus, tasol wanpela ensel i lusim ol i go. Ol birua i tromoi ston long Stiven na kilim em i dai. Tasol Jisas i makim wanpela bilong ol dispela birua long kamap wokman bilong em, na dispela man i kamap aposel Pol. Tri na hap yia bihain long taim Jisas i dai, God i salim aposel Pita i go autim tok long wanpela man em i no bilong lain Juda, em Kornilius na famili bilong em.

Inap 13 yia bihain Pol i mekim namba wan raun bilong em long autim tok. Long namba tu raun, Timoti i go wantaim Pol. Pol na ol wanwok bilong em ol i bin amamas tru long mekim wok bilong God. Bihain Pol i kalabus long Rom. Tupela yia bihain em i lusim kalabus, tasol bihain ol i kalabusim em gen na kilim em i dai. HAP 7 i stori long ol samting i kamap insait long 32 yia.

Lait i sutim ai bilong Sol