Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Baibel Stori Buk Bilong Mi

Hap 4: Taim Bilong Namba Wan King Bilong Israel Inap Long Taim Ol i Go Kalabus Long Babilon

Hap 4: Taim Bilong Namba Wan King Bilong Israel Inap Long Taim Ol i Go Kalabus Long Babilon

Sol i kamap namba wan king bilong Israel. Tasol Jehova i sakim em na makim Devit long kisim ples bilong em. Yumi bai kisim save long planti samting bilong Devit. Taim em i stap yangpela yet, em i pait wantaim traipela man Goliat. Bihain King Sol i jeles long em, olsem na em i mas ranawe. Na wanpela naispela meri, em Abigel, i pasim em long mekim wanpela pasin kranki.

Bihain, yumi kisim planti save long pikinini bilong Devit, em Solomon, em i kamap king bilong Israel bihain long Devit. Dispela tripela king bilong Israel i bin mekim wok king inap 40 yia 40 yia. Taim Solomon i dai pinis, lain Israel i bruk na kamap tupela lain, lain bilong not na lain bilong saut.

Ol 10-pela lain bilong hap not ol i stap inap 257 yia na ol Asiria i bagarapim ol. Na 133 yia bihain, ol Babilon i bagarapim tupela lain bilong hap saut. Long dispela taim, ol i kisim ol Israel i go kalabus long Babilon. Olsem na Hap FOA i stori long ol samting i kamap insait long 510 yia, na planti ol bikpela samting i bin kamap long dispela haptaim.

King Solomon i beten