Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Baibel Stori Buk Bilong Mi

Hap 3: Taim Ol i Lusim Isip Inap Long Taim Bilong Namba Wan King Bilong Israel

Hap 3: Taim Ol i Lusim Isip Inap Long Taim Bilong Namba Wan King Bilong Israel

Moses i bringim ol Israel i lusim kalabus long Isip na i go long maunten Sainai na God i givim ol lo long ol. Bihain Moses i salim 12-pela man i go lukstil long graun bilong Kenan. Taim ol i kam bek, tok bilong 10-pela bilong ol i no gutpela. Ol i mekim na ol manmeri i laik i go bek long Isip. Ol i no bilip, olsem na God i givim strafe long ol Israel na ol i wokabaut long ples drai nating inap 40 yia.

Bihain, Josua i kamap hetman bilong ol Israel na em bai bringim ol i go insait long Kenan. Bilong helpim ol long kisim dispela ples, Jehova i wokim sampela mirakel. Em i pasim wara Jordan, na brukim banis bilong Jeriko, na mekim san i sanap i stap inap wanpela de olgeta. Bihain long 6-pela yia, ol i kisim dispela graun bilong ol Kenan.

Josua i namba wan jas, na ol jas i bosim lain Israel inap 356 yia. Yumi kisim save long planti bilong ol, olsem Barak, Gideon, Jepta, Samson, na Samuel. Yumi kisim save tu long ol meri olsem Rahap, Debora, Jael, Rut, Naomi, na Delaila. Hap TRI i stori long ol samting i bin kamap insait long 396 yia.

Haus lotu sel