Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Laip na Wok Autim Tok Miting Wok Buk  |  Ogas 2017

 BIHAINIM PASIN KRISTEN

Wanem Narapela Taim Mi Inap Mekim Painia Haptaim?

Wanem Narapela Taim Mi Inap Mekim Painia Haptaim?

Visen bilong tempel em Esekiel i lukim i kamapim klia olsem ol manmeri bilong Jehova i amamas long givim samting. Olsem wanem yumi inap givim biknem long God?—Hi 13:15, 16.

Wanpela rot yumi inap mekim olsem em long mekim wok painia haptaim. Long sevis yia bilong 2018, sampela mun i gat 5-pela Sarere o 5-pela Sande. Dispela bai helpim ol bratasista husat i wok mani long olgeta de na ol i save autim tok long wiken tasol. Ol pablisa inap makim 30 o 50 aua long mekim painia haptaim long mun Mas na Epril o long taim bilong wasman sekit.

Olsem wanem sapos sampela samting i kamap na yumi no inap mekim painia haptaim? Yumi laik mekim wok autim tok i kamap gutpela, na sapos inap, yumi laik mekim bikpela wok moa long autim tok. Maski yumi gat wanem kain sindaun, pasin bilong yumi long laikim Jehova i mas kirapim yumi long givim bel moa long mekim wok autim tok long sevis yia bilong 2018!—Ho 14:2.

Olsem wanem mi inap bihainim pasin bilong Sabina Hernández long givim bel yet long mekim wok bilong Jehova?

LUKIM VIDIO WANTAIM HELPIM BILONG JEHOVA, MI INAP MEKIM OLGETA SAMTING, NA BIHAIN BEKIM OL DISPELA ASKIM:

  • Wanem samting i kirapim Sabina long mekim bikpela wok moa bilong Jehova?

  • Olsem wanem eksampel bilong Sabina inap strongim yu?

  • Long sevis yia bilong 2018, wanem mun yu laik mekim painia haptaim?