Ol papamama i aninit long God i laik tru long lukim pikinini bilong ol i kamap ol wokman bilong Jehova. Bilong helpim pikinini, papamama i mas putim tok bilong Baibel i go daun long bel bilong pikinini taim ol i bebi yet. (Lo 6:7; Sd 22:6) Ol papamama i mas daunim sampela laik bilong ol yet long mekim olsem na bai gutpela samting inap kamap.—3Jo 4. Ol papamama inap kisim planti skul long Josep na Maria. “Long olgeta yia papamama bilong en i save go long Jerusalem long bikpela bung bilong Pasova,” maski ol i mas lusim taim, strong na mani long mekim olsem. (Lu 2:41) Josep na Maria i ting em i bikpela samting long famili bilong ol i go klostu long Jehova. Olsem tasol, ol papamama i mas stiaim ol pikinini long bihainim stretpela rot taim ol i painim rot bilong skulim ol long tok na pasin bilong ol.—Sg 127:3-5.

LUKIM VIDIO OL I TRAIM OLGETA KAIN ROT, NA BEKIM OL DISPELA ASKIM:

  • Olsem wanem Jon na Sharon Schiller i putim laik bilong Kingdom i stap namba 1 long laip bilong ol taim ol i mekim bikpela long ol pikinini?

  • Bilong wanem papamama i mas senisim pasin bilong skulim, stiaim, na stretim wan wan pikinini?

  • Olsem wanem papamama inap redim ol pikinini long sanap strong long ol samting i laik traim bilip bilong ol?

  • Oganaisesen bilong Jehova i redim wanem sampela tul bilong helpim pikinini long kamap strong long bilip?

Putim wok bilong Kingdom i stap namba 1 samting long famili bilong yu