Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Laip na Wok Autim Tok Miting Wok Buk  |  Janueri 2016

 BIHAINIM PASIN KRISTEN

Sanapim na Lukautim Ol Haus Bilong Mekim Lotu i Tru

Sanapim na Lukautim Ol Haus Bilong Mekim Lotu i Tru

Taim lain Israel i laik sanapim tempel, ol i lusim bikpela haptaim, bikpela strong, na bikpela mani long mekim dispela wok. Ol i givim bel tru long sapotim dispela wok. (1St 29:2-9; 2St 6:4-8) Taim ol i sanapim pinis tempel, wok ol i mekim bilong lukautim tempel i soim klia olsem ol i gat strongpela bilip. (2Ki 22:3-6; 2St 28:24; 29:3) Long nau, ol Kristen i lusim bikpela strong na haptaim bilong ol long sanapim, klinim, na lukautim Haus Kingdom na Haus Kibung. Yumi stap olsem ol wanwok bilong Jehova taim yumi mekim ol dispela wok, na dispela em gutpela blesing tru, na em wanpela wok lotu bilong yumi.—Sg 127:1; Re 7:15.

YUMI KEN . . .

  • Klinim ples bihain long olgeta miting. Sapos yu inap, orait yu ken kisim ol pipia i stap klostu long sia bilong yu.

  • Helpim wok bilong klinim na stretim Haus Kingdom long olgeta taim. Sapos planti man i bung long mekim wok, olgeta bai kisim amamas na mekim gut wok.—lv 105 par. 18.

  • Givim mani bilong helpim wok. Maski yumi givim “tupela liklik koin i gat liklik pe tru,” Jehova bai amamas sapos bel i kirapim yumi long givim kontribiusen.—Mk 12:41-44.

  • Volantia long sanapim na stretim Haus Kingdom na Haus Kibung sapos i no gat samting i pasim yumi. Maski sapos yu no gat ekspiriens bilong wok konstraksen, yu tu inap volantia long helpim wok.