Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Laip na Wok Autim Tok Miting Wok Buk  |  Epril 2017

 BIHAINIM PASIN KRISTEN

Mekim Gutpela Pasin na Welkamim Ol

Mekim Gutpela Pasin na Welkamim Ol

Yumi mas welkamim husat? Olgeta man i kam long miting—em ol nupela na ol lain i stap longpela taim long tok i tru. (Ro 15:7; Hi 13:2) Ating em wanpela wanbilip husat i kam long narapela kantri o em wanpela pablisa husat i lusim ol miting longpela taim. Tingim hau yu bai pilim long kain taim olsem. Ating yu bai amamas sapos wanpela i kam na tok halo long yu, a? (Mt 7:12) Olsem na taim yu stap long Haus Kingdom, i gutpela long wokabaut raun na gritim ol narapela paslain na bihain long miting. Dispela bai strongim pasin laikim na givim biknem long Jehova. (Mt 5:16) Em tru olsem yu no inap toktok long olgeta wan wan. Tasol olgeta bai amamas taim yumi mekim olsem. *

Yumi mas kamapim gutpela pasin long olgeta taim na i no long taim bilong Memorial tasol. Taim ol nupela i lukim na pilim tru pasin laikim yumi kamapim, dispela inap kirapim ol long litimapim nem bilong God na joinim yumi long lotu i tru.—Jon 13:35.

^ par. 3 Ol stiatok bilong Baibel i stiaim pasin yumi mekim long ol man i raus o man husat i rausim em yet na i kam long ol miting.—1Ko 5:11; 2Jo 10.