Jehova i save mekim wankain pasin long olgeta manmeri. (Ap 10:34, 35) Em i laikim ol manmeri “bilong olgeta kantri na bilong olgeta lain na bilong olgeta lain pipol na bilong olgeta tokples.” (Re 7:9) Olsem na insait long kongrigesen Kristen yumi no ken kamapim pasin bilong laikim wanpela lain tasol o mekim wansait pasin. (Jem 2:1-4) Yumi kisim gutpela save i kam long God, na yumi amamas long i stap insait long paradais bilong bilip we yumi lukim ol bratasista i senisim pasin bilong ol. (Ai 11:6-9) Taim yumi wok strong long rausim pasin bilong laikim tumas wanpela lain tasol, yumi soim olsem yumi laik bihainim ol pasin bilong Jehova.—Ef 5:1, 2.

LUKIM VIDIO JOHNY AND GIDEON: ONCE ENEMIES, NOW BROTHERS, NA BEKIM OL DISPELA ASKIM:

  • Wai na save bilong God i winim tru save bilong ol man long pinisim tru pasin bilong mekim nogut long ol man, na pasin bilong tingim wanpela lain tasol?

  • Wanem samting i mekim na yu amamas long ol lain brata bilong yumi long olgeta hap bilong graun?

  • Olsem wanem yumi givim glori long Jehova taim yumi strongim pasin bilong yumi long i stap wanbel?