Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Baibel Long Intenet | NEW WORLD TRANSLATION OF THE HOLY SCRIPTURES (1984 EDITION)

Hibru 8:1-13

8  Orait bikpela poin bilong tok yumi mekim i olsem: Yumi gat dispela kain hetpris, na em i sindaun pinis long han sut bilong sia king bilong dispela King i gat biknem long heven.  Em i wokman* bilong dispela ples holi na bilong dispela trupela haus sel em Jehova yet i bin sanapim, na i no ol man.  Olgeta hetpris i gat wok bilong givim ol presen na ofaim ol sakrifais, olsem na dispela hetpris tu i mas i gat sampela samting bilong givim olsem ofa.  Sapos em i stap long graun, em bai i no inap i stap pris, long wanem, olsem Lo i makim, i gat ol pris i stap pinis na ol i save givim ol presen olsem ofa.  Wok bilong God ol dispela man i mekim em i piksa na sedo tasol bilong ol samting bilong heven. Yumi inap luksave long dispela samting long tok God i givim long Moses taim em i laik wokim dispela haus sel. Em i tok: “Taim yu wokim haus sel yu mas bihainim stret dispela piksa em mi bin soim long yu long maunten.”  Tasol nau Jisas i kisim wanpela wok bilong helpim ol manmeri, na dispela wok i gutpela moa, long wanem, em i stap namelman bilong wanpela kontrak na dispela kontrak tu i gutpela moa. Ol promis bilong dispela kontrak i stret wantaim lo na i gutpela moa winim ol promis bilong pastaim.   Sapos dispela namba 1 kontrak i no gat rong long en, orait bai i no gat wok long kamapim namba 2 kontrak.  God i soim olsem ol manmeri i gat asua taim em i tok olsem: “Jehova i tok, ‘Harim! Mi makim pinis taim na bai mi mekim nupela kontrak wantaim lain Israel na lain Juda.  Dispela kontrak bai i no wankain olsem kontrak mi bin mekim wantaim ol tumbuna bilong ol long taim mi holim han bilong ol na bringim ol i kam lusim Isip. Bai mi mekim nupela kontrak, long wanem, ol i no bihainim tok bilong kontrak bilong mi, olsem na mi no tingim ol moa,’ em tok Jehova i mekim.”  10  “Jehova i tok, ‘Dispela taim i pinis pastaim, orait bai mi mekim kontrak wantaim lain Israel. Bai mi putim lo bilong mi long tingting bilong ol na bai mi raitim long bel bilong ol. Na bai mi kamap God bilong ol, na ol bai kamap lain manmeri bilong mi.  11  “ ‘Na bai ol i no skulim moa ol wanlain na ol brata bilong ol olsem, “Yupela i mas save long Jehova!” Long wanem, olgeta bai save pinis long mi, maski ol i man nating o man i gat nem. 12  Long wanem, bai mi fogivim ol long ol pasin nogut ol i mekim, na bai mi no tingim moa ol sin bilong ol.’ ”  13  Taim em i tok long “nupela kontrak,” em i soim olsem kontrak bilong pastaim i no gat wok moa. Na samting i no gat wok moa, em i wok long kamap olpela na klostu em bai pinis.

Ol Futnot

 O, “pablik sevan.”