Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Baibel Long Intenet | NEW WORLD TRANSLATION OF THE HOLY SCRIPTURES (1984 EDITION)

Galesia 6:1-18

6  Ol brata, sapos man i kirap mekim samting i no stret na em yet i no luksave long en, yupela husat i stap strongpela Kristen i mas traim long stretim kain man olsem long pasin isi. Tasol long seim taim yupela i mas was gut long yupela yet, nogut traim i painim yupela tu.  Namel long yupela yet, narapela i mas wok yet long helpim narapela long karim hevi. Long dispela rot yupela i inapim lo bilong Krais.  Sapos man i ting em i gat nem, tasol tru tru em i no gat nem, orait em i giamanim em yet.  Olgeta man wan wan i mas skelim wok bilong ol yet. Na long dispela rot, bai ol i amamas long samting ol yet i mekim, na ol i no ken skelim ol yet wantaim narapela.  Olgeta wan wan i mas mekim ol samting em ol yet i gat wok long mekim.   Na tu, man em narapela i skulim em long tok bilong God, em i ken skelim ol gutpela samting i go long dispela man i skulim em.   No ken giamanim yu yet: Man i no inap trikim God. Samting man i planim, dispela samting tasol em bai kamautim.  Long wanem, man i larim ol laik nogut bilong bel i stiaim em, i olsem em i planim samting nogut. Na em bai kamautim kaikai nogut, em bai kisim bagarap long bodi bilong em i gat sin. Tasol man i larim holi spirit i stiaim em, i olsem man i planim gutpela samting. Na kaikai em bai kamautim, em bai kisim laip oltaim long rot bilong holi spirit.  Olsem na yumi no ken les long mekim ol gutpela wok, long wanem, long taim stret bilong en bai yumi kamautim kaikai sapos yumi no givap. 10  Olsem na taim rot i op yet, yumi mas mekim gutpela pasin long olgeta man, tasol moa yet long ol wanbilip.  11  Lukim ol bikpela leta mi raitim long yupela long han bilong mi yet.  12  Ol man husat i laik amamasim ol arapela, em ol dispela man i laik kirapim yupela long katim skin. Ol i mekim olsem bai ol i no ken karim hevi long diwai pos* bilong Jisas, em Krais. 13  Ol man i kirap katim skin ol yet i no bihainim Lo. Tasol ol i laik bai yupela i katim skin na bai ol i ken litimapim nem bilong ol yet long samting yupela i bin mekim long bodi bilong yupela. 14  Mi no ken tru litimapim nem bilong mi yet, bai mi litimapim tasol nem bilong diwai pos bilong Bikpela bilong yumi Jisas Krais. Long rot bilong Krais, mi tingim ol samting bilong graun i olsem samting ol i nilim long pos, na ol manmeri bilong graun i tingim mi olsem man ol i nilim long pos. 15  Pasin bilong katim skin, o i no katim skin, tupela wantaim i samting nating. Tasol nupela samting God i wokim, em i samting tru. 16  Na olgeta man husat bai bihainim dispela tingting,* bel isi na marimari i ken i stap long ol, em ol man i insait long lain Israel bilong God.  17  Olsem na ol man i no ken givim hevi moa long mi, long wanem, mi gat ol mak i stap long bodi bilong mi i soim olsem mi wanpela wokboi bilong Jisas.  18  Ol brata, bikpela pasin helpim bilong Bikpela bilong yumi Jisas Krais i ken i stap wantaim yupela, long wanem, yupela i save kamapim ol gutpela pasin. Amen.

Ol Futnot

 Lukim Apd 6.
 O, “dispela tok i save stiaim pasin bilong yumi.”