Skip to content

Skip to secondary menu

Skip to table of contents

Ol Witnes Bilong Jehova

Tok Pisin

Baibel Long Intenet | NEW WORLD TRANSLATION OF THE HOLY SCRIPTURES (1984 EDITION)

2 Korin 12:1-21

12  Mi mas litimapim nem bilong mi yet. Tru, dispela i no inap kamapim wanpela gutpela samting. Tasol maski, nau bai mi stori long ol visen na ol tok i kam long Bikpela.  Mi save long wanpela man i pas wantaim Krais. Na 14 yia i go pinis, Bikpela i kisim em i go antap long namba 3 heven. Ating em i stap long bodi o em i lusim bodi, em mi no save. God tasol i save.  Yes, mi save long dispela man. Bikpela i kisim em i go long paradais. Ating em i stap long bodi o em i lusim bodi, mi no save. God tasol i save.  Na taim em i stap long paradais em i harim kain tok ol man i no inap autim, na i tambu long man i autim.  Bai mi litimapim nem bilong kain man olsem, tasol bai mi no litimapim nem bilong mi yet. Bai mi litimapim nem bilong mi long ol samting mi no gat strong long en, na em tasol.  Sapos mi laik litimapim nem bilong mi yet, mi no mekim pasin kranki, long wanem, bai mi mekim tok tru tasol. Tasol bai mi no litimapim nem bilong mi yet. Nogut man i harim tok bilong mi na em i litimapim nem bilong mi moa yet winim ol samting em i lukim mi mekim o tok em i harim mi autim.  Maski Bikpela i kamapim ol narakain samting olsem long mi, ol man i no ken litimapim nem bilong mi long dispela samting. Olsem na bilong mi no ken hambak, i gat wanpela nil i sutim skin bilong mi, dispela i olsem wanpela ensel bilong Satan i wok long paitim mi bai mi no ken hambak.  Tripela taim mi askim Bikpela long dispela samting i ken lusim mi.  Tasol em i tokim mi, “Bikpela pasin helpim bilong mi em inap long yu. Long wanem, strong bilong mi i wok long kamap gutpela olgeta taim yu no gat strong.” Olsem na mi amamas long litimapim nem bilong mi long ol samting mi no gat strong long en, bai strong bilong Krais i ken i stap olsem haus sel i karamapim mi. 10  Olsem na mi tingim Krais na mi amamas long ol samting mi no gat strong long en, long ol tok ol man i sutim long mi, long taim mi sot long ol samting, long taim ol man i mekim nogut long mi na long taim mi karim ol hevi. Taim mi no gat strong, long dispela taim mi gat strong tru.  11  Mi mekim pasin kranki. Yupela i kirapim mi long mekim olsem, long wanem, yupela i no stori long ol gutpela samting mi bin mekim. Ol smatpela aposel bilong yupela i no winim mi liklik long wanpela samting maski long ai bilong yupela mi samting nating. 12  Yupela yet i bin lukim ol samting i kamapim klia olsem mi wanpela aposel, em ol samting olsem pasin bilong sanap strong, ol mirakel, ol narakain samting, na ol strongpela wok. 13  Samting i mekim na yupela i no wankain olsem ol arapela kongrigesen em olsem, mi yet mi no bin putim hevi long yupela long lukautim mi. Ating mi mekim rong, a? Sapos olsem, orait yupela i ken lusim rong bilong mi.  14  Harim! Nau em namba 3 taim mi redi long kam lukim yupela, na bai mi no putim hevi long yupela. Mi no laik kisim ol samting bilong yupela, nogat. Mi laik kisim yupela yet. Long wanem, ol pikinini i no ken bungim ol samting bilong helpim papamama, nogat, ol papamama i mas bungim ol samting bilong helpim ol pikinini. 15  Mi bai amamas long givim olgeta samting bilong mi na olgeta strong bilong mi bilong helpim yupela. Sapos mi laikim yupela moa yet, yupela ting i stret yupela i laikim mi liklik tasol? 16  Maski i olsem, mi no bin putim hevi long yupela. Tasol yupela i tok mi giaman na mi bin kisim yupela long rot bilong pasin trik. 17  Ating long rot bilong ol man mi bin salim i kam long yupela mi kisim nating ol samting long han bilong yupela, a? 18  Mi bin kirapim Taitus long kam lukim yupela na mi bin salim dispela arapela brata i kam wantaim em. Ating Taitus i bin kisim nating ol samting long han bilong yupela? Mipela i bihainim wankain tingting. Na mipela i bihainim wankain lek mak.  19  Taim yupela i ritim dispela pas, ating  yupela i ting mipela i bekim tok long yupela long ol tok yupela i bin sutim long mipela, a? Mipela ol man bilong Krais i mekim dispela tok long ai bilong God. Tasol ol pren tru, olgeta samting mipela i mekim em bilong strongim yupela. 20  Mi pret olsem nogut taim mi kam lukim yupela, yupela i no stap kain man olsem mi laikim. Na tu, nogut taim yupela i lukim mi, mi no stap kain man olsem yupela i laikim. Nogut yupela i mekim ol kain pasin olsem, tok pait, jeles, belhat, kros, tok baksait, krungutim gutnem bilong narapela, pasin antap, na pasin bilong paulim nabaut ol samting. 21  Nogut taim mi kam gen, God bilong mi bai semim mi long ai bilong yupela, na mi bai bel hevi tru long ol man husat bipo ol i bin mekim sin, tasol ol i no tanim bel long pasin ol i bin mekim. Em ol pasin i no klin na pasin pamuk na pasin bikhet na i no sem,* em ol pasin bipo ol i save mekim.

Ol Futnot

 Grik, a·selʹgei·a. Em i makim pasin bilong brukim ol bikpela lo bilong God na i no sem.