Skip to content

Skip to secondary menu

Ol Witnes Bilong Jehova

Tok Pisin

Yupela i Orait Long Kisim Medikal Tritmen?

Yupela i Orait Long Kisim Medikal Tritmen?

Yes, ol Witnes Bilong Jehova i orait long kisim marasin na ol medikal tritmen. Mipela i traim long lukautim gut helt na bodi bilong mipela, tasol sampela taim mipela i “save go lukim dokta.” (Luk 5:31) Sampela Witnes Bilong Jehova ol i dokta, wankain olsem Luk, em wanpela Kristen i bin stap long taim bilong ol aposel.—Kolosi 4:14.

Tasol sampela tritmen i no stret wantaim ol stiatok bilong Baibel, na mipela i no orait long kisim ol dispela. Olsem, mipela i no kisim blut, bikos Baibel i tambuim pasin bilong kisim blut bilong helpim bodi. (Aposel 15:20) Na tu, Baibel i tambuim ol tritmen em wok bilong ol spirit nogut i insait long en.—Galesia 5:19-21.

Tasol planti medikal tritmen i no pait wantaim ol stiatok bilong Baibel. Olsem na man yet i mas wokim disisen long samting em bai orait long kisim. Ating wanpela Witnes i orait long kisim wanpela kain marasin o tritmen, tasol narapela Witnes i no orait long kisim dispela.—Galesia 6:5.