Skip to content

Skip to secondary menu

Ol Witnes Bilong Jehova

Tok Pisin

Yupela i Save Givim Namba 10 Hap?

Yupela i Save Givim Namba 10 Hap?

Nogat, ol Witnes Bilong Jehova i no save givim namba 10 hap bilong mani ol i kisim; ol i givim donesen long laik bilong ol yet bilong sapotim wok bilong mipela, na ol arapela i no save hamas ol i givim. Pasin bilong givim namba 10 hap em wanem samting, na bilong wanem ol Witnes Bilong Jehova i no save bihainim dispela pasin?

Dispela lo bilong givim namba 10 hap bilong mani samting, em hap bilong Lo em God i bin givim long lain Israel bilong bipo. Tasol Baibel i kamapim klia olsem dispela Lo—na lo bilong “kisim namba 10 hap bilong ol samting long ol manmeri”—i no wanpela lo ol Kristen i mas bihainim.Hibru 7:5, 18; Kolosi 2:13, 14.

Ol Witnes Bilong Jehova i no givim namba 10 hap o samting narapela i tokim ol long givim, nogat, ol i bihainim pasin bilong ol Kristen bilong bipo na sapotim wok bilong ol long 2-pela rot: ol i no kisim pe long wok bilong ol long autim tok na skulim ol man, na ol i givim donesen long laik bilong ol yet.

Olsem na mipela i bihainim tok Baibel i mekim long ol Kristen, olsem: “Olgeta wan wan i mas givim samting ol i pasim tok long bel long givim. Ol i no ken bel hevi na givim na narapela i no ken fosim ol long givim, nogat. God i save laikim tumas man i amamas long givim samting.”2 Korin 9:7.