Skip to content

Skip to secondary menu

Ol Witnes Bilong Jehova

Tok Pisin

Wai na Yupela i Save Go Long Haus Bilong Ol Man i Gat Lotu Pinis?

Wai na Yupela i Save Go Long Haus Bilong Ol Man i Gat Lotu Pinis?

Mipela i lukim olsem planti man husat i gat lotu pinis, ol i amamas long toktok long Baibel. Mipela i rispektim raits bilong ol man long holimpas bilip we i narapela kain long bilip bilong mipela, na mipela i no save fosim ol man long harim tok mipela i autim.

Taim mipela i toktok wantaim ol man long lotu, mipela i traim long bihainim tok bilong Baibel na toktok long “pasin isi” na soim “pasin rispek” long ol man. (1 Pita 3:15) Mipela i save olsem sampela bai sakim tok mipela i autim. (Matyu 10:14) Tasol bilong save long tingting bilong ol man, pastaim mipela i mas toktok wantaim ol. Na tu, mipela i save olsem sindaun bilong ol man i save senis.

Olsem, ating man i no gat taim long toktok, tasol long narapela de em bai amamas long toktok wantaim mipela. Na ol nupela hevi i save painim ol man na ol nupela samting i save kamap long laip, na dispela i kirapim ol man long putim yau long tok bilong Baibel. Olsem na mipela i traim long toktok wantaim ol man long ol narapela narapela taim.