Skip to content

Skip to secondary menu

Ol Witnes Bilong Jehova

Tok Pisin

Wai na Yupela i No Yusim Kruse Long Taim Bilong Lotu?

Wai na Yupela i No Yusim Kruse Long Taim Bilong Lotu?

Planti man i ting kruse em wanpela mak bilong lotu Kristen long olgeta hap. Ol Witnes Bilong Jehova i Kristen, tasol mipela i no yusim kruse taim mipela i lotu. Bilong wanem?

Wanpela risen em Baibel i kamapim klia olsem Jisas i no dai long kruse, nogat, em i dai long pos. Na tu, Baibel i tokim ol Kristen long “ranawe long pasin bilong lotuim imis,” na dispela i makim olsem no ken yusim kruse long taim bilong lotu.1 Korin 10:14; 1 Jon 5:21.

Jisas i tok: “Sapos pasin laikim i stap namel long yupela, orait olgeta bai save olsem yupela i disaipel bilong mi.” (Jon 13:34, 35) Olsem na Jisas i kamapim klia olsem pasin bilong daunim laik bilong ol yet na helpim ol narapela, dispela i mak bilong ol disaipel tru bilong em, kruse o narapela imis, nogat.