Skip to content

Skip to secondary menu

Ol Witnes Bilong Jehova

Tok Pisin

Yupela i Kisim Mani We Bilong Mekim Wok?

Yupela i Kisim Mani We Bilong Mekim Wok?

Ol Witnes Bilong Jehova i save givim ol donesen bilong sapotim wok autim tok bilong mipela. Mipela i no save singaut long mani o salim plet long ol miting bilong mipela, na ol memba i no gat wok long givim namba 10 hap bilong ol samting bilong ol, nogat. (Matyu 10:7, 8) I gat ol kontribiusen boks long ol miting ples bilong mipela, na sapos sampela laik givim donesen, ol i ken putim mani long dispela boks. Ol narapela i no save husat i givim mani.

Wanpela risen na mipela i gat inap mani long mekim wok, em mipela i no gat pris pasto i kisim pe. Na tu, ol Witnes i no kisim pe bilong autim tok long ol haus, na ol ples lotu bilong mipela i no gat planti bilas samting.

Olgeta donesen ol man i salim long ol brens ofis bilong ol Witnes Bilong Jehova, mipela i yusim bilong helpim ol man i kisim bagarap long bikpela disasta, bilong sapotim ol misineri na wasman raun bilong mipela, bilong helpim wok bilong sanapim ol haus lotu long ol kantri i no gat planti mani, na bilong prinim na salim i go ol Baibel na ol narapela buk Kristen.

Olgeta wan wan man i givim donesen long laik bilong ol yet, ol i ken givim bilong helpim wok long hap ol i stap long en, o helpim wok long olgeta hap, o tupela wantaim. Olgeta wan wan kongrigesen i save wokim akaun ripot em ol memba i ken lukim.