Skip to content

Skip to secondary menu

Ol Witnes Bilong Jehova

Tok Pisin

Yupela i Wanpela Liklik Lain Lotu Bilong Amerika?

Yupela i Wanpela Liklik Lain Lotu Bilong Amerika?

Hetkota bilong mipela i stap long Amerika. Tasol mipela i no wanpela liklik lain lotu bilong Amerika, long wanem:

  • Sampela i tok liklik lain lotu em wanpela grup i bin bruk long narapela lotu. Ol Witnes Bilong Jehova i no bin bruk long wanpela narapela lotu, nogat. Mipela i pilim olsem mipela i kamapim gen lotu Kristen i bin stap long bipo long taim bilong ol aposel.

  • Ol Witnes Bilong Jehova i mekim wok bilong ol long winim 230 kantri. Maski mipela i stap long wanem wanem hap, mipela i givim nambawan sapot bilong mipela long God Jehova na Jisas Krais, na i no long gavman bilong Amerika o wanpela narapela gavman bilong ol man.—Jon 15:19; 17:15, 16.

  • Olgeta tok mipela i lainim ol man long en i kam long Baibel, i no long wanpela bikman bilong lotu i stap long Amerika, nogat.—1 Tesalonaika 2:13.

  • Mipela i bihainim Jisas Krais, mipela i no bihainim wanpela lida bilong dispela graun.—Matyu 23:8-10.