Skip to content

Skip to secondary menu

Ol Witnes Bilong Jehova

Tok Pisin

Yupela i Save Givim Baksait Long Ol Lain i No Lotu Moa Wantaim Yupela?

Yupela i Save Givim Baksait Long Ol Lain i No Lotu Moa Wantaim Yupela?

Ol lain husat i bin kisim baptais na kamap Witnes Bilong Jehova, tasol ol i no autim tok moa, na i no bung moa wantaim ol wanbilip, mipela i no save givim baksait long ol. Nogat. Mipela i laik helpim ol na kirapim laik bilong ol long tingim ol samting bilong lotu.

Mipela i no save rausim nating long kongrigesen wanpela husat i mekim bikpela rong. Tasol sapos wanpela Witnes husat i baptais pinis, i kirap insait long pasin bilong brukim ol lo bilong Baibel long stretpela pasin na i no tanim bel, orait kongrigesen bai rausim em o givim baksait long em. Baibel i tok klia: “Yupela i mas rausim man nogut i stap namel long yupela.”—1 Korin 5:13.

Olsem wanem long man em kongrigesen i rausim em, tasol meri na ol pikinini bilong em ol i Witnes Bilong Jehova? Em bai pas gut yet wantaim meri pikinini bilong em na insait long ol samting famili i save mekim, tasol em i no pas wantaim famili long sait bilong lotu olsem bipo em i bin mekim.

Ol lain em kongrigesen i rausim ol, ol i ken kam long ol bung bilong lotu bilong mipela. Sapos ol i laik, ol inap kisim ol gutpela tok long ol elda bilong kongrigesen we inap helpim ol long pas gut wantaim God. Ol i laik helpim man long winim gen mak bilong stap olsem wanpela Witnes Bilong Jehova. Ol lain em kongrigesen i bin rausim ol, tasol nau ol i sakim pasin nogut na kamapim klia olsem ol i gat laik long bihainim ol lo bilong Baibel, orait ol inap kam bek insait long kongrigesen.