Skip to content

Skip to secondary menu

Ol Witnes Bilong Jehova

Tok Pisin

Baibel Stadi Em Wanem Samting?

Baibel Stadi Em Wanem Samting?

Ol Witnes Bilong Jehova i gat stadi program i bekim planti askim, olsem:

  • God em i husat?

  • Tru tru God i save tingim mi?

  • Olsem wanem mi inap strongim marit bilong mi?

  • Olsem wanem mi inap i stap amamas?

Daunbilo bai yu painim bekim bilong ol askim planti man i save mekim long stadi program bilong mipela.

Olsem wanem yupela i save mekim dispela stadi kos? Mipela i save makim ol kain topik olsem “God” o “marit” na skelim narapela narapela ves bilong Baibel i stori long dispela topik. Taim mipela i skelim ol ves wantaim, mipela inap save long tok Baibel i mekim long dispela topik, na long dispela rot mipela i larim Baibel yet i kamapim mining bilong ol tok.

Bilong helpim mipela long stadi long Baibel, mipela i save yusim buk Tru Tru Baibel i Tok Wanem? Dispela buk i kamapim klia ol tok Baibel i mekim long God, Jisas, na long ol samting bai kamap bihain, na buk i stori gut long planti narapela samting tu.

Wanem pe bilong dispela Baibel stadi? Stadi em fri, na ol stadi buk tu i no gat pe.

Hamas minit o aua bilong wan wan stadi? Planti man i save stadi long Baibel wantaim mipela inap 1-pela aua samting long olgeta wik. Tasol mipela inap stadi longpela o sotpela taim moa. Mipela bai mekim we i stret long sediul bilong yu.

Wanem samting bai kamap taim mi askim long kisim Baibel stadi? Taim yu askim long kisim Baibel stadi, wanpela Witnes Bilong Jehova bai kam lukim yu long taim na ples i gutpela long yu. Em bai lusim sampela minit bilong soim pasin bilong mipela long stadi. Sapos yu laikim dispela stadi, yu ken stadi i go moa.

Sapos mi kirap stadi long Baibel, mi mas kamap wanpela Witnes Bilong Jehova? Nogat. Ol Witnes Bilong Jehova i amamas tru long skulim ol man long Baibel, tasol mipela i no save fosim man long insait long lotu bilong mipela. Nogat, long pasin rispek mipela i kamapim ol tok bilong Baibel, mipela i save olsem olgeta wan wan man i gat rait long makim samting em bai bilip long en.—1 Pita 3:15.