OL KANTRI NA OL MANMERI
Visitim Kasakstan
OL MANMERI bilong Kasakstan i save raun olsem ol tripman. Long bipo yet i kam inap long nau, sampela man Kasakstan i save skelim weda na bringim ol animal i go long hap we gutpela gras i gro long en. Long taim bilong san, ol i save stap long ol ples maunten we i kol. Tasol taim ais i laik pundaun, ol i save bringim ol animal i go long ol ples daun we i hat.
Sampela lain Kasakstan i stap long ol bikpela siti. Maski i olsem, ol i save bihainim yet kastam bilong ol, pasin bilong ol long kukim kaikai, na wokim ol samting long han. Ol i save amamas long raitim ol stori, ol singsing, na pilaim musik long ol instramen ol yet i wokim.
Ol manmeri bilong Kasakstan i gat wanpela kain haus sel we ol inap rausim na karim i go sanapim long narapela hap. Dispela i kamapim klia olsem ol i save lukautim gut ples ol i stap long en. Ol wasman bilong sipsip i laik tru long stap long ol haus sel. Ol lain i stap long siti, ol tu i save yusim haus sel long taim bilong ol spesel bung. Na tu, ol turis i save slip long ol dispela haus sel. Insait long ol dispela haus sel, ol meri Kasakstan i putim mat o ol laplap ol i wokim long han na ol turis na ol narapela manmeri i save go lukim.
Insait long haus sel
Ol manmeri husat i stap long kantri sait, ol i save laikim tru ol hos. I gat 21 nem bilong hos long tokples Kasakstan, na wan wan bilong ol i gat narapela narapela mining bilong en. Na tu, ol i gat winim 30 narapela narapela tok bilong makim kala bilong gras bilong hos. Ol i save salim hos long bikpela pe na ol inap givim olsem nambawan presen long ol narapela. Long ol kantri sait, ol pikinini man i save lain long raidim hos taim ol i liklik yet.
Taim lain Kasakstan i redim kaikai, ol i save kukim wantaim abus na ol i no save putim spais olsem lombo o kari. Ol i laik tru long dring koumiss, em wanpela kain dring ol i wokim long milk bilong meri hos. Dispela dring i gutpela long helt bilong ol. Na tu, ol i save dring shubat, em dring ol i wokim long milk bilong kamel we i pait liklik na inap helpim tru bodi.
Ol manmeri i ken visitim brens ofis bilong ol Witnes Bilong Jehova long taun Almaty.
Lepat bilong ples kol i raun long taim bilong san long ples maunten bilong Kasakstan
Ating Yu Bai Laikim Tu
KIRAP!
Visitim Nu Silan
Maski Nu Silan i stap longwe tru, inap olsem 3 milion turis i save go long Nu Silan long olgeta yia. Wanem samting i kirapim ol long i go visitim dispela ples?
KIRAP!
Visitim Spen
Spen em kantri we ol manmeri bilong ol narapela narapela ples i kam sindaun long en, na i gat ol naispela hap bilong lukim. Spen i gat nem na i winim tru olgeta narapela kantri long pasin bilong redim kain kain stail kaikai.
KIRAP!
Visitim Kirgistan
Ol man bilong Kirgistan i gat pasin bilong lukautim na rispektim ol man. Wanem pasin i bosim ol samting ol i mekim long ol famili bilong ol?
KIRAP!
Visitim Liktenstain
Wanem samting i save mekim na ol turis i amamas long go raun long dispela liklik kantri long olgeta taim bilong yia?
KIRAP!
Visitim Usbekistan
Kisim sampela save long Usbekistan na olsem wanem pasin bilong ol long raitim ol leta alfabet i senis.
KIRAP!
Visitim Nikaragua
Nikaragua em kantri i gat bikpela raunwara we i gat olkain pis bilong solwara olsem ol sak, swordfish, na tarpon. Dispela i narakain, long wanem, dispela raunwara i nogat sol long en.
