Ankan kxpulakni

Ankan xlipulaktiy niku tsuku

Xtatayananin Jehová

totonaco

Lakgkgolotsin tiku Pulalinankgo kamatliwakglhkgolh xtatayananin Jehová xalak Rusia chu Ucrania

Lakgkgolotsin tiku Pulalinankgo kamatliwakglhkgolh xtatayananin Jehová xalak Rusia chu Ucrania

«¡Kmakgkatsiw pi xkinkalimasiyanimakan lhuwa tapaxkit!» Chuna wa chatum puskat xalak Ucrania akxni kgaxmatli pi likgalhtawakgaka lu xlakaskinka xcarta Lakgkgolotsin tiku Pulalinkgo xtatayananin Jehová. Stephen Lett, tiku makgpulalinan, likgalhtawakgalh uma carta akxni kilalh kʼUcrania 10 chu 11 xla mayo kata 2014. Max kgaxmatkgolh 165,000 xtatayananin Jehová.

Akxni likgalhtawakgaka uma carta chu akglhuwa taʼakgchuwin na kamatitaxtika kʼakgkitsis tachuwin chu na matitaxtika k700 Pukgalhtawakga xla xTatayananin Jehová (niku kakninankgo xtatayananin Jehová) xliputum Ucrania.

Watiya uma kilhtamaku, Mark Sanderson, atanu kgolotsin tiku makgpulalinan, likgalhtawakgalh carta kʼakgtum tamakxtumit nema tatlawalh kRusia. Uma tamakxtumit tamatitaxtilh k14 tachuwin chu 180,413 xtatayananin Jehová kliwaka 2,500 congregaciones xalak Rusia chu Bielorrusia tlan kgaxmatkgolh.

Carta xla Lakgkgolotsin tiku Pulalinankgo xkamalakgachanikgonit congregaciones xalak Rusia chu Ucrania. Tala Sanderson kruso likgalhtawakgalh, chu sucursal xla xtatayananin Jehová xalak Rusia tsokgnalh: «Chuna la Lakgkgolotsin tiku Pulalinankgo kalilakgaputsakgonit natalan xala unu lu kamatliwakglhnit natalan. Xtachuna la tliwakga kinkaʼakgpixtin Lakgkgolotsin tiku Pulalinankgo».

Tlawaka uma carta xlakata tlan xkamamakgkatsinilh chu xkamatliwakglhli xtatayananin Jehová xala unu, niku ananit lhuwa taʼakglhuwit xlakata política. Kamakgtayalh natalan xlakata ni xmakgtanukgolh chu kstalanikgolh tastakyaw xalak Biblia pi ni xlimakgtanutkan tuku xla política xla uma kakilhtamaku (Juan 17:16).

Wa xlakata, Lakgkgolotsin tiku Pulalinankgo kawanilh pi lu xlakaskinka tlan natalalinkgo Jehová chu wa namaklakaskinkgo oración, nalikgalhtawakgakgo Biblia chu nalilakpuwankgo. Na kamakgpuwantinilh pi xlipawankgolh tamalaknun nema kinkawaniyan Isaías 54:17: «Katuwa tuku nalitalachipaputunkana, nitu katilitlawanikgon».

Carta xlimasputu: «Lu kkapaxkiyan mimputumkan. Liwana kakatsitit pi nitu kkapatsankgaman chu putum kilhtamaku ktlawaniyaw oración Jehová mimpalakatakan».

Sucursal xalak Ucrania lichuwinalh xlakata akxni kalakgapaxialhnankan: «Natalan lu tlan limakgkatsikgo xlakata putum tapaxkit chu la kalikatsinikgonit Lakgkgolotsin tiku Pulalinankgo. Xlakata tala Sanderson xʼalh kRusia watiya kilhtamaku akxni tala Lett alh kʼUcrania limasiyalh pi xkachikin Jehová makxtum wi chu kalimasiyanilh natalan la xlilhuwa kapaxki Jehová chu Jesús. Kimputumkan makanajliyaw pi lu xakmaklakaskimaw uma. La uku kkgalhiyaw litliwakga xlakata naktayaniyaw tuku tuwa naktitaxtuyaw chu chuntiya nakskujniyaw Jehová».