Ankan kxpulakni

Ankan xlipulaktiy niku tsuku

Xtatayananin Jehová

totonaco

Atlanta kamakgamakglhtinan xtatayananin Jehová

Atlanta kamakgamakglhtinan xtatayananin Jehová

«Kkawaniputun tiku katatapakgsiyan pi lu tlan tuku tlawakgo xlakata lu skujnikgo xTamapakgsin Dios. Lu lanka xtapalh kakxilhaw chu kkapaxtikatsiniyan xlakata xatapaxuwan kamakgtayayatit amakgapitsi xtatayananin Jehová chu putum latamanin.»

Wa uma tuku wa Kasim Reed, mapakgsina xalak Atlanta (Georgia, Estados Unidos), kmaktum carta nema tsokgli xlakata xkalimakgamakglhtinalh xtatayananin Jehová tiku kilakgolh kʼakgtutu laklanka tamakxtumit nema tatlawalh kʼuma kachikin.

Nachuna tamapakgsin xalak Atlanta na mastalh tamakatsin niku kamakgamakglhtinalh tiku kilakgolh kʼumakgolh tamakxtumit. Anta mapakgsinanin wankgolh: «Atsinu ni chan akgtsayan millón xtatayananin Jehová xliputum katiyatni, xalak tanu tanu kachikin chu tanu tanu tachuwin chu kaj pulaktum tuku tlawaputunkgo [...], chu malankiputunkgo Jehová, Dios tiku matlawinalh Biblia chu xMalakatsukina putum tuku anan».

Kjulio chu agosto xla kata 2014 tlawaka akgtutu laklanka tamakxtumit kʼAtlanta, akgtiy kxaʼinglés chu akgtum kxaʼespañol. Minkgolh max xalak 28 países. Taʼakgchuwin kxaʼinglés tamatitaxtilh kruso chu kjaponés. Xliʼakgtutu tamakxtumit takgatsilh 95,689.

Kkata 2014, xtatayananin Jehová lakkaxwilikgolh 24 asambleas internacionales kʼakgnajatsa países, 16 tatlawalh ktanu tanu kachikin xalak Estados Unidos.