Ankan kxpulakni

Ankan xlipulaktiy niku tsuku

Xtatayananin Jehová

totonaco

Makatsinina. Nitu tuku tatalakxtumi

Makatsinina. Nitu tuku tatalakxtumi

Xlakata revista Makatsinina tatlawa 42 millones xlilhuwa akxni makgatunu taxtu, ni anan atanu likgalhtawakga nema tatalakxtumi. Xlimaktiy wa revista ¡Despertad!, nema tatlawa 41 millones. Uma maktiy likgalhtawakga tlawakgo xtatayananin Jehová chu tamakgpitsi k236 países chu territorios.

¿Chu amakgapitsi revistas? Chuna la wan The Association of Magazine Media, wan pi likgalhtawakga xalak Estados Unidos nema tlakg tasta wa tlawa American Association of Retired Persons, akgtum empresa nema katlawani revistas tiku linkgoya 50 kata o liwaka. Uma revista tatlawa 22.4 millones xlilhuwa. Revista xalak Alemania ADAC Mortorwelt tamakgpitsi 14 millones, chu revista xalak China Gushi Hui (nema lichuwinan tuku lanita chu cuentos) tatlawa 5.4 millones.

Chu xlakata periódicos, nema tlakg tamakgpitsi wa xalak Japón, wanikan Yomiuri Shimbun, liwaka 10 millones tlawakan.

Revistas nema tlawakgo xtatayananin Jehová wa nema tlakg tatlawa klhuwa tachuwin, xlakata revista Makatsinina tatlawa 190 tachuwin, chu ¡Despertad! 80 tachuwin. Pero, Reader’s Digest (kxaʼespañol, Selecciones) chu tatlawa kaj 21 tachuwin, chu talakgpalitilha tuku lichuwinan kʼakgatunu país.

Tumin nema tamaklakaskin xlakata natatlawa revista Makatsinina chu ¡Despertad!, kaj xatapaxuwan mastakan, uma tlawa pi ni tatalakxtumi atanu likgalhtawakga. Ni lichuwinan tuku stakgokan chu ni kgalhi xtapalh.

Tlawakan revista Makatsinina xlakata nalichuwinan tuku masiya Biblia pero tuku tlakg lichuwinan wa xTamapakgsin Dios. Kata 1879 tsukuka tlawakan chu asta la uku chuntiya tatlawama. ¡Despertad! lichuwinan tuku tlakg lakgatikgo latamanin, la tuku tekgskgonit científicos chu tuku anan kKatiyatni, xlakata tlakg nakanajlanikan Dios. Na lichuwinan la kinkamakgtayayan xTachuwin Dios.