Ankan kxpulakni

Xtatayananin Jehová

Laksakkan tachuwin totonaco

Ni lhuwa páginas pero tlakg klhuwa tachuwin

Ni lhuwa páginas pero tlakg klhuwa tachuwin

Akxni natsuku enero kata 2013, revista ¡Despertad! chu revista Makatsinina nema kamaxkiyaw latamanin nialh katikgalhilh 32 páginas, kaj 16 páginas nakgalhi.

Xlakata nialh lhuwa tuku nalimin, tlakg tlan natatlawa lhuwa revistas ktanu tanu tachuwin. Akgtum liʼakxilhtit: Diciembre kata 2012, revista ¡Despertad! tatlawalh 84 ktanu tanu tachuwin chu diciembre kata 2012 revista Makatsinina tatlawalh 195 ktanu tanu tachuwin. Pero, enero kata 2013, revista ¡Despertad! tatlawalh 98 ktanu tanu tachuwin, chu revista Makatsinina tatlawalh kʼ204 tachuwin.

Revista Makatsinina nema kmaklakaskinaw ktamakxtumit chuntiya nakgalhi 32 páginas.

Tlakg nialh lhuwa páginas kkapsnat, pero tlakg nawilikan kkimpaginajkan kʼInternet

Xlakata talakgpalilh la xtaxtu revistas, kkimpaginajkan jw.org pulaktiy la natalakgpali.

  1. Makgapitsi secciones nema xmin krevistas nawilikan kpágina jw.org. Wa uma makgapitsin: «El rincón del joven», «Tuku pulana kkatsinima xalak Biblia» chu tamakatsinin xlakata tiku taxtukgo kʼEscuela de Galaad (taxtu krevista nema kkamaxkiyaw latamanin), nachuna nema wanikan «Actividades para la familia» chu «Los jóvenes preguntan» (xla ¡Despertad!).

  2. Revista Makatsinina chu ¡Despertad!, nema akglhuwa kata taxtunit kpágina jw.org kformato PDF, na nataxtu kformato HTML. La uku tlan natalikgalhtawakga kcomputadora o kteléfonos. Nachuna, ni tuwa katiʼakxilhka lhuwa kilikgalhtawakgakan nema natawila kʼInternet, max kʼ400 tanu tanu tachuwin.