Ankan kxpulakni

Xtatayananin Jehová

Laksakkan tachuwin totonaco

Makatsinina knixatuwa tachuwin

Makatsinina knixatuwa tachuwin

Katata, Makatsinina knixatuwa tachuwin xaʼinglés tsukuka tlawakan chu akgtum kata liʼakxilhka komo chuntiya xʼamaka tlawakan. Julio kata 2011 taxtulh xapulana. La uku kgalhsputnita ama kilhtamaku, lakpuwankanit pi chuntiya natatlawa uma likgalhtawakga.

Chu enero kata 2013, na natlawakan kxaʼespañol, francés chu portugués.

Tlawaka Makatsinina knixatuwa tachuwin xaʼinglés, xlakata kamakgtayaputunkan tiku ankgo kcongregaciones xaʼinglés pero ni wa xtachuwinkan.

Akxni taxtulh xapulana, lhuwa cartas ktsukuw makglhtinanaw niku xkinkamaxkikanan paxtikatsinit. Anta kLiberia kinkamalakgachanichan akgtum tatsokgni chatum puskat wanikan Rebecca, tiku kgalhi 64 kata chu nikxni kilalh kʼescuela. Xwan: «Kkatsinima kgalhtawakga. Chu lu klakgati Makatsinina knixatuwa tachuwin. Xapulana ni xakʼakgatekgsa Makatsinina, pero la uku kʼakgatekgsa».

Lhuwa natlatni maklakaskimakgolh Makatsinina knixatuwa tachuwin, xlakata nakamakgtayakgo xkamanankan tlan nalikgalhtawakgakgo Makatsinina nema natamatitaxti ktamakxtumit nema tlawakgo xtatayananin Jehová.

Rosemary, tiku kakuentajtlawama kgalhatutu xnatanatni laktsu laktsuman, tsokgli: «Akxni xaklikgalhtawakgayaw revista Makatsinina lu tuwa xakʼakgatekgsaw. Puntsu puntsu xakmaklakaskinaw diccionario. Lakgachunin xakkatsiputunaw tuku xwamputun akgatunu tachuwin, uma xtlawa pi kinatanatna nila xʼakgatekgskgolh tuku xtamasiyaputun klikgalhtawakga. La uku tlakg klimaxtuyaw kilhtamaku nakputsayaw textos xalak Biblia chu kakxilhaw la tatalakxtumi tuku tatsokgnit».